დღეს, კოალიცია “ქართული ოცნება”-ს ოფისში, ტრადიციული საინფორმაციო ბრიფინგი გაიმარათა. სადაც კოალიციის ერთ-ერთმა ლიდერმა, თინათინ ხიდაშელმა განაცხადა: “ჩვენ მოვახერხეთ მაღალი ხარისხის საზოგადოებრივი ზეწოლის და საერთაშორისო თანამეგობრობის ზეწოლის ქვეშ, რომ გვეიძულებინა საქართველოს ხელისუფლება საჯარო განცხადება გაეკეთებინა მოწვევის შესახებ”.
ხიდაშელმა, როგორც საქართველოს მოქალაქემ და პოლიტიკაში ჩართულმა ერთ-ერთი სუბიექტის წარმომადგენელმა, მიმართა საქართველოს საგარეო საქმეთა სამინისტროს და აღნიშნული უწყებისგან მოითხოვა: “გამოაქვეყნონ ოფიციალური მოწვევის ტექსტები, ოფიციალური მოსაწვევები, რომელიც მათ დაუგზავნეს საერთაშორისო ორგანიზაციებს. ეს არის ძალიან მნიშვნელოვანი, კიდევ ერთხელ არ შეიყვანონ შეცდომაში ქართული საზოგადოება. უნდა ვიცოდეთ სინამდვილეში რა ტიპის და რა ფარგლებში გაიგზავნა მოწვევები საერთაშორისო სადამკვირვებლო მისიების მიმართ”. სხვათა შორის ხიდაშელის ეს მოთხოვნა საგარეო საქმეთა სამინისტრომ ოპერატიულად დააკამყოფილა.
მან აღნიშნა, რომ “კოალიცია “ქართული ოცნება” აგრძელებს მოძრაობას და საქმიანობას საერთაშორისო ასპარეზზე იმისთვის, რომ რაც შეიძლება მეტი დამკვირვებელი სწრაფად და ფართოპროფილიანი მრავალი მიმართულებით ჩამოვიდეს ქვეყანაში. ჩვენ გვაქვს პირობა, კონკრეტული დოკუმენტი რომლებიც უკვე გაეგზავნა ევროპის ლიბერალურ პარტიებს ევროპის წამყვან სამივე ქვეყანაში, დიდ ბრიტანეთში, გერმანიაში და ჰოლანდიაში”.
10 მაისს, კოალიცია “ქართული ოცნება” ევროკავშირის პარლამენტის წევრების 20-25 კაციან დელეგაციას უმასპინძლებს. რომლებიც წინა საარჩევნო გარემოს შესასწავლად ჩამოვლენ.
როგორც ბრიფინგზე გახდა ცნობილი კოალიცია “ქართული ოცნება”-მ რამდენიმე დღის წინ “ლიბერალ ინტერნაციონალიდან” მიიღო ოფიციალურად წერილი, სადაც ისინი აღშფოთებული არინა ქვეყანაში მიმდინარე პროცესებით.
“ლიბერალ ინტერნაციონალი” არის ორგანიზაცია, რომელიც აერთიანებს მსოფლიოს ლიბერალ დემოკრატიულ პარტიებს, რომლებიც ამჟამად ხელისუფლებაში არიან.
“გურია ნიუსი” გთავაზობთ “ლიბერალ ინტერნაციონალი” -ს რეზოლუციის შინაარსს:
“იმის გათვალისწინებით, რომ საქართველოს მთავრობამ არ შეასრულა ევროპის საბჭოსა და ვენეციის კომისიის მოთხოვნები საარჩევნო კოდექსიის ცვლილებებთან დროს, მაგ. საარჩევნო ოლქებში ამომრჩეველთა რაოდენობის თანაბრობის შესახე, რაც უზრუნველოყოფდა ამომრჩეველთა ხმის თანასწორობას.
იმის Gაგათვალისწინებით, რომ საქართველოს მთავრობამ მიიღო პოლიტიკური პარტიების შესახებ კანონის ახალი რეგულაციების პარტიების დაფინანსების შესახებ და დებულებები გამოიყენა ოპოზიციის აქტივისტების დაკითხვებისა და ზეწოლისათვის, მაგ. ბოლო ერთი თვის მანძილზე, ოპოზიციური კოალიცია “ქართული ოცნების” 300-ზე მეტი აქტივისტი დაკითხეს, შეურაცხყვეს და მათით მანიპულირებას ცდილობდნენ;
იმის გათვალისწინებით, რომ ოპოზიციის ლიდერს ბიძინა ივანიშვილს პრეზიდენტის განკარგულებით 2012 წლის 11 ოქტომბერს ჩამოერთვა მოქალაქეობა, რაც მის მიერ პოლიტიკური განაცხადის გაკეთებიდან ერთ კვირაზე ნაკლებ დროში მოხდა და მისი ბიზნესის და საკუთრების წინააღმდეგ მრავალი საკანონმდებლო ცვლილება და ადმინისტრაციული ღონისძიება იქნა განხორციელებული.
იმის გათვალისწინებით რომ საქართველოში მედიის თავისუფულება სულ უფრო მეტად იზღუდება.
“ლიბერალ ინტერნაციონალი” ღრმა შეშფოთებას გამოთქვამს საქართველოში ანტიდემოკრატიული მოვლენების განვითრაების გამო და მოუწოდებს საქართველოს მთავრობას უზრუნველოყოს თავისუფალი, სამართლიანი და კონკურენტუნარიანი საარჩევნო გარემო 2012 წლის ოქტომბრის საპარლამენტო არჩევნებისთვის, მათ შორის სამართლიანი საარჩევნო სისტემით, ნათელი და სამართლიანი პარტიების დაფინანსების კანონმდებლობით, სახელმწიფო და კერძო მედიის თანაბარი ხელმისაწვდომობით, არჩევნებზე დამკვირვებლის დასწრების, კერძო პირების და კომპნიების საკუთრების უფლების პოლიტიკური მოტივაციით შეზღუდვის არ დაშვებით და ყველა პირისთვის სრული გარანტიით, რომ მათი პოლიტიკური საქმიანობა დაცული იქნება ჩარევის და ძალადობის საფრთხისგან.
რეზოლუციაში, “ლიბერალ ინტერნაციონალი” მოუწოდებს წევრ პარტიებს, დააწესონ ინტენსიური მონიტორინგი საქართველოში პოლიტიკური მოვლენების განვითარების მიმართ, რათა უზრუნველყოფილი იყოს 2012 წლის თავისუფალი, სამართლიანი და კონკურენტუნარიანი საპარლამენტო არჩევნები და ხელისუფლების მშვიდობიანი გადაცემა”.
