“საკრებულოს მაჟორიტარი წევრები თვეში ერთხელ მაინც უნდა აწყობდნენ ამომრჩეველთა მიღებას”

_ ოზურგეთის მუნიციპალიტეტის საკრებულოს დებულება კი კიდევ უფრო აკონკრეტებს კანონის აღნიშნულ მოთხოვნას და ადგენს, რომ საკრებულოს წევრი ვალდებულია, საკრებულოს თავმჯდომარის მიერ დამტკიცებული გრაფიკის შესაბამისად, თვეში ერთხელ მაინც მოაწყოს ამომრჩევლების მიღება (საკრებულოს დებულება, მუხ. 117.2). რაც ყველაზე უფრო მეტად მნიშვნელოვანია, ამ შეხვედრებზე საკრებულოს აპარატის მიერ უნდა შედგეს სპეციალური ოქმი, რომელშიც აისახება მოსახლეობის მიერ შეხვედრისას დაყენებული საკითხები, პრობლემები, მოსაზრებები თუ წინადადებები. შესაბამისად, ადგილობრივი ხელისუფლება ვალდებულია, ერთი თვის განმავლობაში უშუალოდ აცნობოს საკითხის დასმის ინიციატორს გატარებული რეაგირების შესახებ.

გარდა ამისა, მოქმედი კანონმდებლობისა და საკრებულოს დებულების სავალდებულო მოთხოვნის შესაბამისად, ზოგადად, საკრებულოს წევრი (და მათ შორის საკრებულოს მაჟორიტარი წევრიც) ვალდებულია, წელიწადში ერთხელ მაინც შეხვდეს საკუთარ ამომრჩევლებს და დეტალური ანგარიში ჩააბაროს მის მიერ გაწეული საქმიანობის შესახებ.

“საქართველოს დემოკრატიული განვითარების კავშირი” მართვის საერთაშორისო სისტემების (MშI-Gეორგია) მიერ დაფინანსებულ პროექტ “საზოგადოებრივი ინიციატივები ცვლილებებისათვის” (ფინანსური მხარდამჭერი UშAID) ფარგლებში განსაკუთრებით მიადევნებს თვალყურს საკრებულოს მაჟორიტარი წევრების მიერ ამომრჩეველთა მიღების პროცესს 5 ტერიტორიულ ერთეულში _ თხინვალში, მაკვანეთში, მერიაში, ურეკსა და ჭანიეთში. ამ მიზნით, ზემოაღნიშნული სოფლების საკონტაქტო საინიციატივო ჯგუფების ჩართულობით, უზრუნველყოფილი იქნება მოსახლეობის ინფორმირება მსგავსი შეხვედრების თაობაზე. კერძოდ, შესაბამისი ინფორმაცია გამოიკვრება სკოლებში, ბაღებსა და საზოგადოებრივი თავშეყრის ადგილებში, _ ამბობს ირაკლი პაპავა.

ირაკლი პაპავა ჩვენთან საუბრისას ამბობს, რომ ამ ჩამონათვალში მითითებული არ არის 2 ადმინისტრაციული ერთეულის _ დვაბზუსა და ნატანების თემის წარმომადგენლები, საკრებულოს მაჟორიტარი წევრები, რამეთუ მათ, თავის დროზე, ობიექტური მიზეზის (საკრებულოს წევრის სტატუსთან შეუთავსებელი თანამდებობის დაკავების) გამო, შეუწყდათ საკრებულოს წევრობა და ამ დროისთვის დვაბზუსა და ნატანების თემს ოზურგეთის მუნიციპალიტეტის საკრებულოში თავიანთი მაჟორიტარი წევრები არ ჰყავთ. თუმცა ეს არ ნიშნავს იმას, რომ ყოველთვიურად არ უნდა მოხდეს ამ ორ თემში მცხოვრებ ამომრჩეველთა მიღება. ოზურგეთის მუნიციპალიტეტის საკრებულო ვალდებულებას იღებს, რომ საკრებულოს ბიუროს წევრები, ცალკე გრაფიკით, განახორციელებენ ყოველთვიურად დვაბზუსა და ნატანების თემთა ამომრჩევლების მიღებას, შესაბამისად, დვაბზუსა და ნატანების თემის ადმინისტრაციულ შენობებში (დვაბზუში _ ყოველი თვის მეორე პარასკევს, 10-დან 16 საათამდე, ხოლო ნატანებში კი _ ყოველი თვის პირველ სამშაბათს, ასევე 10-დან 16 საათამდე). ამ ორ ადმინისტრაციულ ერთეულში გასამართი ყოველთვიური შეხვედრების თაობაზე დაწვრილებითი ინფორმაციის მიღება დაინტერესებულ პირებს შეუძლიათ შემდეგ საკონტაქტო ტელეფონზე: 591228855.

ირაკლი პაპავა: _ გარდა ამისა, აღსანიშნავია, რომ ოზურგეთის მუნიციპალიტეტის საკრებულოს ის მაჟორიტარი წევრები, რომლებიც, პარალელურად, საკრებულოს თანამდებობის პირებს წარმოადგენენ, ვალდებულნი არიან დამატებით კიდევ ყოველკვირეულად მოაწყონ ამომრჩეველთა მიღება შემდეგი გრაფიკით: კობა ხაბალაშვილი, რომელიც ოზურგეთის მუნიციპალიტეტის საკრებულოს საფინანსო-საბიუჯეტო კომისიის თავმჯდომარეა, ვალდებულია ყოველი კვირის სამშაბათს მიიღოს ამომრჩევლები თავისი კომისიის კაბინეტში; ასევე თავიანთი კომისიების კაბინეტებში უნდა ამომრჩევლები უნდა მიიღონ: ყოველი კვირის ხუთშაბათს _ თამაზ სალუქვაძემ (საკრებულოს ეკონომიკური განვითარების, ინფრასტრუქტურისა და ურბანიზაციის კომისიის თავმჯდომარე, ყოველი კვირის სამშაბათს კი (გარდა ყოველი თვის მეორე სამშაბათისა) _ ვალერიან გირკელიძემ (საკრებულოს სოფლის მეურნეობის, გარემოს დაცვისა და ბუნებრივი რესურსებით სარგებლობის კომისიის თავმჯდომარე); თავიანთ სამსახურებრივ კაბინეტებში მოუწევთ აგრეთვე ამომრჩეველთა მიღება: თეიმურაზ მოქიას (ოზურგეთის მუნიციპალიტეტის საკრებულოს ფრაქცია “უმრავლესობის” ხელმძღვანელი) _ ყოველი კვირის ოთხშაბათს და ხვიჩა კილაძეს (საკრებულოს ფრაქცია “მაჟორიტარის” ხელმძღვანელი) _ ყოველი კვირის ხუთშაბათს (გარდა ყოველი თვის პირველი ხუთშაბათისა).

საგულისხმოა ის გარემოებაც, რომ იმ შემთხვევაში, თუ ზემოაღნიშნული გრაფიკით განსაზღვრული ამომრჩეველთა მიღების დღე დაემთხვა დასვენების დღეს, მიღება შედგება მომდევნო სამუშაო დღეს. ხოლო შეხვედრის თარიღის შეცვლის შემთხვევაში (მაგალითად, საკრებულოს რიგგარეშე ან მორიგი სხდომის გამო), საკრებულო ვალდებულია, საზოგადოებისთვის ხელმისაწვდომი საშუალებებით, დამატებით გამოაქვეყნოს ინფორმაცია ამომრჩეველთა მიღების ახალი თარიღის, ასევე შეხვედრის ადგილისა და დროის შესახებ.

გარდა ამისა, ოზურგეთის მუნიციპალიტეტის საკრებულოს ზემოაღნიშნული მაჟორიტარი წევრები ვალდებულნი არიან 1 ივლისიდან 31 ივლისამდე დროის შუალედში საანგარიშგებო შეხვედრები გამართონ თავიანთი სოფლისა თუ თემის ამომრჩევლებთან და ანგარიში ჩააბარონ მოსახლეობას მათ მიერ გაწეული საქმიანობის შესახებ. საკრებულოს ის მაჟორიტარი წევრები, რომლებიც დღეისთვის საკრებულოს თანამდებობის პირთა ფუნქციებს ასრულებენ, ვალდებულნი არიან კიდევ 1 დეკემბრიდან 31 დეკემბრამდე დროის ინტერვალში მეორედ წარუდგინონ ანგარიში თავიანთი დასახლების ამომრჩევლებს. მოკლედ, ამ თვეში საკრებულოს ყველა წევრი ვალდებულია ანგარიში წარუდგინოს ამომრჩევლებს მათ მიერ გაწეული საქმიანობის შესახებ.

დამატებითი ინფორმაციისთვის დაინტერესებულ პირებს შეუძლიათ, დაგვიკავშირდნენ “საქართველოს დემოკრატიული განვითარების კავშირის” ოფისში
(მისამართი: ქ. ოზურგეთი, გაბრიელ ეპისკოპოსის ქ. #25, ბ. 14; საკონტაქტო ტელეფონი: (496) 274547; (599) 587574 ან (599) 274579.