“გურია ნიუსი” იმის გასარკვევად, თუ რა კრიტერიუმებით შეარჩია მხარის გუბერნიამ გამშუქებელი ჟურნალისტები, ვალერი ჩიტაიშვილს დაუკავშირდა. მისი თქმით, ამ ეტაპზე ასე მოხდა…
_ ეს შეხვედრა მხოლოდ ერთჯერადი არ არის და შემდგომში აუცილებლად იქნება ადგილობრივი მედია… ტელევიზია იყო და სხვა ჟურნალისტები არ ყოფილან. ეს შეხვედრა არ დასრულებულა და კვლავ გაგრძელდება, _ გვითხრა ვალერი ჩიტაიშვილმა.
გურიის გუბერნიაში საზოგადოებასთან და მედიასთან ურთიერთობა, ვიცე-გუბერნატორ ლელა თავართქილაძეს ევალება, რასაც მოწმობს გუბერნატორის მიერ ჩვენს სახელზე მოწერილი ოფიციალური წერილი. ამ საქმეზე მიმაგრებული ვიცე-გუბერნატორის პასუხი კიდევ უფრო “საინტერესო” აღმოჩნდა, ვიდრე გუბერნატორის.
ლელა თავართქილაძე: “ ჩვენ არავისთვის გვიცნობებია, ჩვენი მიზანია პრეზიდენტის ინიციატივის მეწარმეებისთვის გაცნობა და მათი აზრის გაგება. ამას უშუალო გარემოში, მედიის გარეშე უკეთ შევძლებდით. თუმცა, არც შეგნებულად დამალვა გვქონია მიზნად. უბრალოდ, “რუსთავი 2“ დაინტერესდა და შემოვიდა შეკითხვით, ხომ არ ვაპირებდით გურიაში პრეზიდენტის ინივიატივებზე მუშაობას. რაკი გუბერნატორი სწორედ იმ დროს გადიოდა შეხვედრაზე, ჩვენ არ დაგვიმალავს და არც გვქონდა საამისო მიზეზი.
მომდევნო შეხვდრაზე, რადგან თქვენი მხრიდან ინტერესი არსებობს, შეგეხმიანებით და გაცნობებთ. ” _ განაცხადა ლელა თავრთქილაძემ.
ვიცე-გუბერნატორი ლელა თავართქილაძე ყურადღებით რომ ეცნობოდეს მედიაში გავრცელებულ ინფორმაციას, ისიც ეცოდინებოდა, რომ ჩვენ ამით უკვე დავინტერესდით, რასაც მოწმობს, ჩვენს მიერ დასმული კითხვა მეორე ვიცე-გუბერნატორთან, პაატა მანჯგალაძესთან სწორედ პრეზიდენტის ინიციატივების შესახებ.
თანაც, ეს ამბავი, სულ ახლახანს მოხდა… 2013 წლის 20 ინვარს, “გურია ნიუსის” ვებგვერდზე გამოქვეყნებულ ინტერვიუში სახელწოდებით: “იმიტირებული დაკრაძალვის აქციები დაბალი პოლიტიკური კულტურის გამოვლინებაა”, ჩვენს მიერ დასმული ერთ-ერთი კითხვა სწორედ ასეთი იყო:
გურია ნიუსი: გუბერნიები პრეზიდენტის ყურადღების ქვეშ განსაკუთრებულად მოექცა ამ ბოლოს. ცვლილება შეეხო თითქმის ყველა გუბერნიას და გუბერნატორს, გარდა გურიისა. გაქვთ რაიმე ახალი დავალებები მიღებული, რაც სასწრაფო წესით უნდა განახორციელოთ?
პაატა მანჯგალაძე: გუბერნატორების ცვლილებასთან დაკავშირებით ჩვენ კომენტარს ვერ გავაკეთებთ. ეს პრეზიდენტის პრეროგატივაა და ჩემი მხრიდან ამაზე რაიმე კომენტარის გაკეთება, როგორც მასზე დაქვემდებარებული პირისა, არაკორექტული იქნება. შესაბამისად, დღეს რომ მე ამ სტატუსით კომენტარს გაძლევთ, ამაში უკვე ვლინდება პრეზიდენტის ნება, რომ ამ ეტაპზე ჩვენს საქმიანობასთან დაკავშირებით კითხვის ნიშნები არ არის. რა თქმა უნდა, არსებობს შესაბამისი დავალებები, რაზეც თუ საჭიროდ ჩათვლის, უშუალოდ ხელმძღვანელი პირი ისაუბრებს. თუმცა დამერწმუნეთ, აღმშენებლობითი პროექტებისა და მხარის სოციალურ-ეკონომიკური განვითარების გეგმების გარდა, ჩვენთვის სხვა ამოცანები და პრიორიტეტები არ არსებობს.
ვიცე-გუბერნატორის, პაატა მანჯგალაძის თქმით, ადგილობრივი მედია იმის გამო არ იყო მეწარმეებთან შეხვედრის დროს, რომ დღეს “ახალგაზრდა პედაგოგთა კავშირში” საქართველოს კონსტიტუციაში ცვლილებასთან დაკავშირებით განხილვა მიმდინარეობდა (?!).
_ მე არ ვარ საქმის კურსში, სხვა თემატიკით ვიყავი დაკავებული. “ახალგაზრდა პედაგოგთა კავშირის” ოფისში კონსტიტუციაში ცვლილებების შესახებ იყო შეხვედრა და მანდ ვიყავი. მე როგორც ვიცი, ეს პროგრამა არ დამთავრებულა და კიდევ მოხდება შეხვედრა.
_ კონკრეტულად რა შეხვედრა იყო?
_მე როგორც ვიცი, მეწარმეებისთვის ხდება საკანონმდებლო პაკეტის წარდგენა.
_ თქვენი აზრით, რატომ არ მოხდა ამ შეხვედრაზე ადგილობრივი მედიის წარმომადგენლების დასწრება?
_ რა თქმა უნდა მედიისთვისაც იქნება ცნობილი. უბრალოდ, ორი ღონისძიება დაემთხვა ერთმანეთს.
აქვე გვინდა განვმარტოთ ორი უმნიშვნელო დეტალი: პირველი ის, რომ რედაქცია თავად გადაწყვეტს, რომელი ჟურნალისტი სად გაგზავნოს და მეორე _ დღევანდელი ახალი ამბავი და ხვალინდელი, სხვადასხვა რამეა და გუბერნიის მხრიდან შემდგომში დაგეგმილი შეხვედრები (რომლებზე მიწვევასაც შეგვპირდნენ. ავტ) სხვა თემა და სხვა ამბავი იქნება.
იქნებ, შემდგომში მაინც გაგვიმართლოს და “შემთხვევით გუბერნიაში შევლილები” ჩვენც გადავაწყდეთ რაიმე საინტერესოს…
