თუმცა, ადგილი, რომელიც მაშინ დასახელდა, სიმართლეს არ შეესაბამებოდა.
“ჩვენ ძალიან ბევრჯერ გაგვიკეთებია განცხადება. მაშინ ყველაზე დიდი აქცენტი ამაზე კეთდებოდა და დღესაც მესმის ბევრი ვერსია. მართლაც იყო თურქეთის რესპუბლიკასთან მოლაპარაკება იმ კუთხით, რომ გადარჩენილიყო ჩვენი ისტორიული ძეგლები თურქეთში და ამის სანაცვლოდ აშენებულიყო აზიზიეს მეჩეთი, როგორც კულტურული ცენტრი. მაგრამ ადგილი, როგორც ასეთი, განსაზღვრული არ იყო. ჩვენი ოპონენტები გვეუბნებოდნენ, თითქოს გადაწყვეტილი იყო, რომ მეჩეთი ცენტრში უნდა აგვეშენებინა. კიდევ ერთხელ ვიმეორებ, არ იყო ადგილი განსაზღვრული. ამის შესახებ მოლაპარაკება არ იყო,” _ ამბობს ვარშალომიძე.
აჭარის მთავრობის ყოფილი თავმჯდომარის თქმით, მაშინ გავრცელებული ჭორები “ჭაჭა თაუერსა” და აზიზიეს სახელობის მეჩეთს შორის კავშირების შესახებ სინამდვილეს არ შეესაბამებოდა:
“მე კარგად მახსოვს _ “ჭაჭა თაუერის” მშენებლობა როდესაც იყო, იქაც გვეუბნებოდნენ, რომ ერთ-ერთი ნაწილია მეჩეთისო. იმ დროს, ბევრი ჭორი ბევრ ადამიანს სიმართლე ეგონა, მაგრამ რეალობა სხვა აღმოჩნა. მე მგონი, ჩვენი აჭარის მოსახლეობა, ბათუმის საზოგადოება დაინახავს, ვინ ტყუილი თქვა და ვინ საქმეს აკეთებდა.”
ლევან ვარშალომიძე ამბობს, რომ საუბრიბდნენ მეჩეთის აშენებაზე, თუმცა, კონკრეტულად ვისი სახელობის მეჩეთი უნდა აშენებულიყო, ამაზე საუბარი არ იყო. მისივე თქმით, იგი ვერ ხედავს მიზეზს, რატომ არ უნდა აშენდეს ბათუმში მეჩეთი.
