როდის შეიძლება ეს საკითხი დარეგულირდეს ან ისე მოგვარდეს, რომ ხალხის უკმაყოფილება ცოტათი ჩაცხრეს მაინც, მოხდება თუ არა იმ აგენტების გადამოწმება, რომლებმაც წინასაარჩევნოდ პოლიტიკური მოტივით დაუნიშნეს დახმარება ოჯახებს.
ამასთან დაკავშირებით “გურია ნიუსი” სოციალური მომსახურების სააგენტოს კონტროლის დეპარტამენტის უფროსს პავლე ცაძიკიძეს ესაუბრა.
_ ბატონო პავლე, მოხდება თუ არა იმ ოჯახების გადამოწმება, რომლებსაც წინასაარჩევნოდ არაკეთილსინდისიერად დაუნიშნეს სოციალური დახმარება. იმ ოჯახებს კი, რომლებსაც რეალურად მართლა უჭირთ, სოციალური დახმარება არ აქვთ…
_ მე გეთანხმებით, თემა ძალიან საინტერესოა. რაც შეეხება ქულების გამოთვლის მეთოდოლოგიას, ეს ის თემაა, რომელზეც სიმართლე უნდა თქვა. არჩევნების შემდეგ ჩვენთან, სააგენტოში, აქტუალურად დადგა ეს საკითხი, შეცვლილიყო ქულის გამოთვლის მეთოდოლოგია. ეს პროგრამა მუშაობს 2007 წლიდან. მაშინ ცხოვრების სხვა დონე იყო შექმნილი. ოჯახს, რომელსაც ჰიგიენური ნივთი გააჩნია, ამან ქულა ნამდვილად არ უნდა ასწიოს. ეს არ ნიშნავს იმას, რომ ეკონომიურად არ გიჭირს. მე გეთანხმებით, რომ დახმარებები წინა საარჩევნოდ გაიცემოდა, ოღონდ კანონიერად და ახლავე აგიხსნით, როგორ. არსებობს მთავრობის დადგენილება, სადაც გარკვევით წერია გუბერნატორს, სოფლის რწმუნებულებს, გამგებელს, აქვს უფლება დახასიათება გაუწიოს ამა თუ იმ ოჯახს და მისცეს რეკომენდაცია, რის საფუძველზეც აგენტი ავსებს დეკლარაციას,
_ ამ დროს კი, რეალურად გაჭირვებული ოჯახები დახმარების გარეშე დარჩნენ…
_ იმიტომ, რომ ისინი ვერ მოხვდნენ გუბერნატორის და გამგებლის სიაში. ძალიან ბევრს ჰქონდა სოციალური დახმარება დანიშნული, გაბერილი იყო სია. 2010 წელს, 450 000 -დან 350 000-დე ჩამოვიყვანეთ, შევუმცირეთ დახმარება იმათ, მართლაც, ვისაც არ ეკუთვნოდა ისეთები ამოვყარეთ ამ სიიდან. წელს, საარჩევნოდ, ისევ აიწია 500 000- მდე ანუ წინასაარჩევნოდ 100 000-ით მოიმატა.
_ ბატონო პავლე, მოხდება თუ არა, იმ აგენტების გადამოწმება, რომლებმაც მოსახლეობის განცხადებით, არაკეთილსინდისიერად შეასრულეს მათზე დაკისრებული მოვალეობა?
_ სააგენტოში შეიქმნა მონიტორინგის სამმართველო, რომელსაც კონტროლის ფუნქცია ავალია. კონტროლის დეპარტამენტის ერთი ჯგუფი ლაგოდეხში მუშაობს. ამ მხრივ, ჩვენ დავამთავრეთ კახეთი, დავამთავრეთ ქვემო ქართლი და უკვე შემდგომი ეტაპი იწყება დასავლეთისკენ, _ განაცხადა პავლე ცაძიკიძემ.
