ჩვენს მიერ მოპოვებული ინფორმაციით, დარჩია მელუას დანიშვნას ეწინააღმდეგება.
_ ბატონო დავით, საარჩევნო ადმინისტრაციის უფროსად ბესო მელუა დაინიშნა?
_ არა, არ დანიშნულა.
_ ჩვენი წყაროს ინფორმაციით, თქვენ ბესო მელუას კანდიდატურის წინააღმდეგი ბრძანდებით.
_ ჩემი წინააღმდეგობა არაფერს წყვეტს. რა შუაშია ეს? მე ვარ რეალობის და ურთიერთობის მხარეზე. არ დანიშნულა, რამდენი ხანია ადმინისტრაციის ხელმძღვანელად მედეა მახარობლიძის კანდიდატურა მივაწოდეთ. ეს ქალბატონი, დიდი ხანია მუშაობს “ქართულ ოცნებაში” და წარმატებითაც, _ გვითხრა დავით დარჩიამ.
თავად ბესო მელუა “გურია ნიუსთან” საუბრის დროს ამბობს: _ საარჩევნო ადმინისტრაციის ხელმძღვანელობა რეკომენდაციას მიწევდა და აღნიშნულ თანამდებობასთან დაკავშირებით გავიარე გასაუბრება. შემოთავაზება კი ორი თვის წინ იყო, მაგრამ თავი შევიკავე, რადგან კოალიციურად მინდოდა ეს საკითხი გადაწყვეტილიყო. ამის შესახებ ვესაუბრე კიდევაც ზვიად კვაჭანტირაძეს. შემდეგ თბილისიდან დაუკავშირდნენ დავით დარჩიას, გამიწიეს რეკომენდაცია, რადგან მქონდა საარჩევნო ადმინისტრაციაში მუშაობის გამოცდილება. რატომ იკავებს ბატონი დავითი თავს და ამის უკან ვინ დგას, არ ვიცი. თუ ეს ადამიანი გუნდურად მუშაობს, კოალიციის ყველა ადგილობრივი ლიდერი მხარს მიჭერს და აქედან გამომდინარე, ვერ ვიგებ დარჩიას პოზიციას. თუ უნდა ამ ადამიანს, ჩვენ წარმატებას მივაღწიოთ, უნდა ითანამშრომლოს კოალიციასთან და უნდა მიიღოს ჩემი კანდიდატურა. წინააღმდეგ შემთხვევაში, ჩვენ მივიღებთ ცუდ შედეგს.
