“საქართველოს კონსტიტუციის რეფორმისთვის იქმნება სახელმწიფო საკონსტიტუციო კომისია, რომელსაც პარლამენტის თავმჯდომარე დავით უსუფაშვილი უხელმძღვანელებს.
საკონსტიტუციო რეფორმას კონსესუსი ჭირდება და არა უბრალო უმრავლესობის მხარდაჭერა. თუკი ხელისუფლების მიზანი რეალური საკონსტიტუციო რეფორმაა და არა წინა ხელისუფლების ტრადიციის გაგრძელება, საჭიროა ამ საკითხზე მიღწეულ იქნას საზოგადოებრივი და პოლიტიკური კონსესუსი, რაც გახდება კონსტიტუციის ახალი რედაქციის სტაბილურობის წინაპირობა.
სამწუხაროა, რომ საკონსტიტუციო კომისიის შექმნის ინიციატივას, წინ არ უძღოდა კონსტულტაციები ფართო ოპოზიციურ სპექტრთან და ეს თემა არ გამხდარა ღია დისკუსიის საგანი.
მივიჩნევთ, რომ კონსტიტუციის რეფორმაზე საზოგადოებრივი და პოლიტიკური კონსესუსის მიღწევისთვის, კომისიის შემადგენლობაში უნდა შევიდნენ:
1. ასევე, კვალიფიციური და არაკვალიფიციური პარტიები, „პოლიტიკური გაერთიანებების შესახებ“ კანონის 39-ე მუხლის მე-11 პუნქტის მიხედვით – იმ პარტიებთან ერთად, რომლებიც საპრეზიდენტო არჩევნებში გადალახავენ 3%-იან ბარიერს.
2. კომისიის მუშაობაში ჩართული უნდა იყვნენ წამყვანი არასამთავრობო ორგანიზაციები და ექსპერტები.
3. ყველა სუბიექტს უნდა ჰქონდეს თანაბარი ხმის უფლება;
მოვუწოდებთ ხელისუფლებას, კომისიის დებულებაში ასახოს ყველა ის პრინციპი, რაც აუცილებელია რეალური და ყველასთვის მისაღები საკონსტიტუციო ცვლილებებისთვის“.
განცხადებას ხელს აწერენ: ახალი მემარჯვენეები, დემოკრატიული მოძრაობა – ერთიანი საქართველო, თავისუფალი საქართველო, საქართველოს ლეიბორისტული პარტია, საქართველოს ქალთა პარტია სამართლიანობისა და თანაწორობისთვის, ქართული დასი, ქრისტიან-დემორატიული მოძრაობა.
