პარლამენტის აპარატის უფროსი ზურაბ მარაქველიძე ნახევრად კომიკურს უწოდებს,რეალობას როცა კონსტიტუციის თანახმად პარლამენტის ადგილმდებარეობა ქუთაისია,რეალურად კი პარლამენტის შენობის მშენებლობაზე, ნებართვა არ არსებობს. მარაქველიძის განცხადებით ქუთაისში მდებარე საკანონმდებლო ორგანოს შენობა, პარლამენტის ბალანსზე არ ირიცხება ანუ ის პარლამენტს არ ეკუთვნის. ამჟამად კი ეკონომიკის სამინისტროს ბალანსზეა, რადგან თავის დროზე ეკონომიკის სამინისტროს დაქვემდებარებაში მყოფი მომსახურების სააგენტო კურირებდა მშენებლობის პროცესს.
“არსებობს კონტროლის პალატის დასკვნა რაც ცნობილია საზოგადოებისთვის, რომლის თანახმად ამ შენობის მშენებლობა დარღვევებითაა წარმოებული. პარლამენტის ბალანსზე არ იმყოფება ეს შენობა. ნახევრად კომიკური სიტუაციაა ერთის მხრივ კონსტიტუციაში ჩაწერილია, რომ პარლამენტის ადგილმდებარეობად განსაზღვრულია ქუთასი თუმცა, ამ შენობის მშენებლობის,ოფიციალური მიღება ჩაბარების აქტი არ არსებობს.
შენობა პარლამენტის ბალანსზე არ გადმოცემულა. ვერც მოხდებოდა ფაქტიურად იმიტომ რომ, ჯერ უნდა დამთავრებულიყო მშენებლობა.
საჯარო სამართლის იურიდიული პირი იყო ასეთი მომსახურების სააგენტო, რომელიც ამ მშენებლობას კურირებდა. ამ სამსახურმა დაუკვეთა თავის დროზე არჩევნებამდე მშენებლობა. ის რომ შენობა არ დასრულდა თავის დროზე, არ არსებობს მიღება ჩაბარების აქტი. თავის დროზე, იყო თუარა დაცული ტექნიკური მოთხოვნები ამ ყველაფერზე პასუხი უნდა გასცეს იმან ვინც დაუკვეთა ეს”, _ განაცხადა პარლამენტის აპარტის ხელმძღვანელმა ზურაბ მარაქველიძემ.
უკანონოს უწოდებს პარლამენტის შენობას უმრავლესობის ლიდერი თინა ხიდაშელიც, რომლის თქმით დეპუტატები აღნიშნულ შენობაში უკანონოდ იმყოფებიან.
“ჩვენ უკანონოდ ვიმყოფებით ამ შენობაში და საერთოდ არ ვიცით სად ვართ, რა დაწესებულებაში. მე სულ ვამბობდი,რომ ამ შენობაზე გარედან უნდა გაეკრას აბრა,სადაც აღნიშნული იქნება, რომ ეს მიხეილ სააკაშვილის მახინჯი მმართველობის მონუმენტია.ასე რომ ჩვენ ვერ გადავწყვიტავთ იმას თუ რა იქნება განთავსებული ამ შენობაში,რადგან მას მეპატრონეც კიარ ჰყავს”, _ განაცხადა თინა ხიდაშელმა.
რამდენიმე თვის წინ პარლამენტში კონტროლის პალატის ხელმძღვანელმა ლაშა თორდიამ სწორედ აღნიშნულ საკითხზე ისაუბრა. თორდიამ განაცხადა, რომ პარლამენტის მშენებლობაზე ქუთაისში შესაბამისი ნებართვა არ გაცემულა. თუმცა, შენობა მეხუთე კატეგორიას განეკუთვნება და მასზე ნებართვა აუცილებლად უნდა არსებობდეს.კონტროლის პალატამ აღნიშნულ საკითხზე დასკვნაც დადო, რომელიც პროკურატრურაში გადაიგზავნა თუმცა რა ეტაპზეა საქმის ძიება,ამ დრომდე უცნობია.
