“ყველას ახალი დაავადებები გაგვიჩნდა. ყველას ასთმა გვაქვს. სამუშაო პირობები არ გვაქვს. ჰაერი აქ არ არის. ყველას ალერგია გვაქვს. ვთვლით, რომ რადგან საჯარო მოხელეები ვართ, ჩვენი აზრი უნდა გამოვთქვათ. საორგანიზაციო დეპარტამენტის 36 თანამშრომელი ერთ უფანჯრო ოთახში ვსხედვართ”, _ ამბობს მთარგმნელობითი განყოფილების უფროსი ია მირიჯანაშვილი.
როგორც პარლამენტის აპარატის თანამშრომლები აცხადებენ, მათ ქუთაისში საცხოვრებლის ფულს პარლამენტი უხდით, თუმცა პირობები არ მოსწონთ.
“ჩვენი სახლი დავტოვეთ და სხვის გაუმართავ ბინებში ვცხოვრობთ. სამუშაოზე უარი რომ ვთქვათ, ჩვენს ოჯახებს ვინ შეინახავს. ყველანი ამ ხელფასებზე ვართ დამოკიდებული”, _ აცხადებენ პარლამენტის აპარატის თანამშრომლები.
თანამშრომლების პროტესტი, იურიდიულ საკითხთა კომიტეტის სხდომის პარლელურად მიმდინარეობს, სადაც პარლამენტის გადატანის საკითხს განიხილავენ.
