“მივმართავთ აფხაზეთის ხელისუფლების ყველა სტრუქტურას, გარდა ამისა, აფხაზეთის უმაღლეს საბჭოს, სასწრაფოდ აღდგეს აფხაზეთის ტელევიზია, რომელიც მოემსახურება აფხაზეთის საზოგადოებას. თუ ეს პრობლემა არ მოგვარდება, რადიკალურ ზომებზე გადავალთ. ამ საკითხზე არა მარტო აფხაზეთის, არამედ ცენტრალურ ხელისუფლებასთანაც დავიწყებთ მოლაპარაკებებს. მიგვაჩნია, რომ აფხაზეთისა და ცხინვალის საზოგადოებას უნდა ჰქონდეს თავისი ტელეარხი.
“აფხაზეთის ტელევიზია, აფხაზეთის ომის დროს შეიქმნა და იმ რთულ პერიოდშიც კი მას არ შეუწყვეტია მუშაობა. 2007 წელს, მიშა სააკაშვილის ბრძანებით, ტელევიზია უმიზეზოდ დახურეს. ყველა თანამშრომელი, ვინც მაშინ ტელევზიაში მუშაბდა, დღეს ჩვენს გვერდით დგას და მოელიან ტელევიზიის აღდგენას. აფხაზეთის მთავრობაში არსებობს ფინასური სახსრები, რომ შეიქმნას სატელევიზიო პროდუქტი, მაგრამ არ არსებობს კეთილი ნება”, _ განაცხადა გიორგი მიქავამ.
“გურია ნიუსი” კახა შამათავას გაესაუბრა.
_ თქვენ ამბობთ, რომ ტელევიზია უნდა მოემსახუროს აფხაზეთის საზოგადოებას. რომელ საზოგადოებას გულისხმობთ, აფხაზეთში მცხოვრებლებს თუ დევნილებს?
_ რა თქმა უნდა, კარგი იქნება, თუ აფხაზეთის ტერიტორიაზეც გავრცელდება, მითუმეტეს რომ ამის აუცილებლობა არსებობს.ვინაიდან ჩვენ გვინდა აღვადგინოთ ნდობის ხიდი ტელევიზიამ უნდა შეასრულოს ეს მისია,რაც შეეხება დევნილ საზოგადოებას, ეს იქნება ერთგვარი საინფორმაციო მაუწყებელი. ეს იქნება უდიდესი წინ გადადგმული ნაბიჯი საერთო საქმის კუთხით.
_ წინა წლებში თუ იყო მსავსი მოთხოვნა გაჟღერებული?
_ ამის მოთხოვნა ყოველთვის იყო, მაგრამ უშედეგოდ. დღეს რეალურად არის ამის შესაძლებლობა და ჩვენ მაქსიმალურად უნდა გამოვიყენოთ ის.
_ მიმართვაში ნათქვამია, რომ თუ პრობლემა არ მოგვარდა, რადიკალურ ზომებზე გადახვალთ. რას გულისხმობთ?
_ რადიკალულურ ზომებში ვგულისხმობთ, პირველი-აქციები ორივე სტრუქტურასთან. მეორე-მჯდომარე აქცია დაუკმაყოფილების შემთხვევაში და მესამე უკიდურესი ეს იქნება შიმშილობა და იმასაც გეტყვით რატომ მივმართავთ ასეთ ზომებს. მათ აქვთ უზარმაზარი ბიუჯეტი, რაღაც გაურკვეველი დეპარტამენტები და სხა არაფრის მომცემი სტრუქტურები, გადახედეთ მათ ბიუჯეტს რაში იხარჯება ის, მათ დანახარჯს ქმედითი დატვირთვა არა აქვს, ამიტომ მოახდინონ სახსრების აკუმლირება და დააფინანსონ ტელევიზია.ტელევიზია უფრო მეტ სარგებელს მოუტანს საზოგადოებას, როგორც პოლიტიკურ, ასევე ურთიერთობის თვალსაზრისით, მარტო ის რად ეღირება, რომ გაიმართება ტელეხიდები ახალგაზრდებს შორის, შერეულ ოჯახებს შორის და სხვა მრავალ სიკეთესთან ერთად პირდაპირ დაანახებს ჩვენს ძმებს აფხაზეთში როგორ ვფიქრობთ ჩვენ ოცწლიანი განშორების შემდეგ, როგორი დამოკიდებულება გვაქვს ისევ, დაანახენს, რომ მცდარია ის მოსაზრება, თითქოს ჩვენ ვართ მტრები. ჩვენ ხვალ ან ზეგ ისევ ერთად მოგვიწევს ცხოვრება და ჩვენი ულამაზესი აფხაზეთის აღორძინება. სიმართლე გითხრათ აფხაზეთის მთავრობას არც აწყობს ტელევიზიის გახსნა, ვგულისხმობ თავისუფალ, გამჭვირვალე ტელევიზიას, რადგანაც იქ მძაფრად გამოჩნდება მათი ოცწლიანი “მოღვაწეობა”.
_ გიორგი მიქავამ განაცხადა, რომ ტელევიზიის დახურვის შემდეგ უმუშევრად დარჩენილი თანამშრომლები დღეს თქვენს გვერდით არიან. იქნებ მკითხველს შევახსენოთ თუნდაც რამდენიმე მათგანის ვინაობა?
_ არა მარტო აფხაზეთის ტელევიზიის თემაა აქტუალური, არამედ მთლიანად აფხაზეთის თემაა მძაფრი , ვფიქრობ ძალიან დიდ სამსახურს გაგვიწევთ დევნილთა თემის წამოწევაში.ჩვენ გვაქვს დიდი მასალა და მთელი რიგი საკითხები, რომლებიც უნდა იცოდეს საზოგადოებამ, ამიტომ შემდეგი საუბრის დროს მე წამოვიყვან ტელევიზიის ერთ-ერთს თანამშრომელს, რომელიც დოკუმენტალურად მოგიყვებათ ტელევიზიის ირგვლივ არსებულ პრობლემებზე. თუ ყველა გავერთიანდებით ახლა ამ საკითხის ირგვლივ, მჯერა შესაძლებელი იქნება ჩვენი ოცნება ახდეს და უახლოეს მომავალში ჩვენს ლამაზ აფხაზეთში ჩავწეროთ ინტერვიუ.
“გურია ნიუსი” აუცილებლად გააცნობს მკითხველს აფხაზეთის საკითხებზე მომუშავე არასამთავრობო ორგანიზაციების და საზოგადოების წარმომადგენლებთან შეხვედრის საუბრის თემებს და მათ მიერ მოწოდებულ ინფორმაციას.
