“დღეს სულ ის მესმის, 26 მაისს 2 ადამიანია მოკლულიო. რატომ პოლიციელი არ ფიქსირდება ამ საქმეში? არანაირი გამოძიება არ მიდის, არავინ გვირეკავს, ის ადამიანი არ იყო პოლიციელი და დღევანდელი თქვენი პოლიციელები არიან პოლიციელები? მანქანაზე ვინც იჯდა, ერთ წელში გამოვიდა გარეთ და ახლა ფურცელს მიფრიალებს, რომ კაკაბაძემ გაუშვა პოლიტპატიმრის სტატუსით. 33 წლის ბიჭი მიწაში ჩამიდეს და ის არ იყო პოლიციელი, იმიტომ რომ საქმე ბურჯანაძეს და მის ოჯახს ეხება?
თუ არ არის ბიბილური დამნაშავე, ვინ არის დამნაშავე, რატომ არ ატარებთ გამოძიებას, მე მინდა, რომ ხელახალი გამოძიება ჩაატაროთ”._ აცხადებს მასურაშვილის დედა ანა აზარაშვილი.
მისი თქმით , როდესაც პოლტპატიმართა სიაში ნინო ბურჯანაძის მძღოლი ალექსანდრე ბიბილური აღმოაჩინა, კბილაშვილის სახელზე განცხადება დაწერა და შეხვედრა ითხოვა.
“განცხადება ნოემბერში დავწერე, ის კი აპრილში შემხვდა, მაშინ როდესაც ყველაფერი უკვე დასრულებული იყო და ის კაციც გათავისუფლებული. რატომ არავის გაინტერესებთ ჩემი შვილის ამბავი, იმიტომ რომ ის სააკაშვილის იყო, დღევანდელი პოლიციელები კი თქვენები არიან? ჩემი შვილის ძალიან ბევრი მეგობარი მუშაობს დღეს თქვენს სისტემაში, ჩემს შვილსაც შეეძლო ასე წარმატებულად ემსახურა თქვენთან. ბიბილური ეს არის ადამიანი, რომელმაც თავის თავზე აიღო მომხდარი, ამიტომ გთხოვთ, გემუდარებით, ჩაატარეთ გამოძიება და დაადგინეთ ვინ იჯდა მანქანაზე, მე გადავყვები ამ საქმეს”._ განაცხადა ანა აზარაშვილმა .
26 მაისის საქმის გამოძიება მთავარმა პროკურატურამ რამდენიმე თვის წინ დაიწყო, თუმცა როგორც დღეს მთავარი პროკურორის მოადგილე კახა წერეთელმა აღნიშნა, გამოძიებას გარკვეული სირთულეები ხვდება წინ.
“26 მაისთან დაკავშირებით გამოძიება გრძელდება, თუმცა, ასათიანისა და კვინტრაძის გარდაცვალების მიზეზი ექსპერტიზით ვერ დადგინდა. სწორედ ეს ქმნის გარკვეულ სირთულეებს”.
