"გურია ნიუსისთვის" ცნობილი ხდება ლანჩხუთის მუნიციპალიტეტის ხუთი კომისიის თავმჯდომარეობის კანდიდატები.
საპროცედურო დროებითი კომისიის თავმჯდომარე, რომან ბიწაძე "გურია ნიუსთან" ამბობს, რომ კოალიცია "ქართულ ოცნებაში" მოხდა შეხვედრა და იქ ყველაფერი გაირკვა.
"ხუთშაბათს ჩატარდება საკრებულოს რიგგარეშე სხდომა და იქ წარადგენენ კომისიის თავმჯდომარეობის კანდიდატებს", _ გვითხრა რომან ბიწაძემ.
ჩვენს მიერ მოპოვებული ინფორმაციით, საკრებულოს სოციალურ საკითხთა კომისიის თავმჯდომარეობისს კანდიდატი, "ქართული ოცნების" წევრი, ია ჩხაიძეა, ინფრასტრუქტურის კომისიის თავმჯდომარის კანდიდატი, "ქართული ოცნების" წევრი, ლანჩხუთის პოლიციის ყოფილი უფროსი, ბესიკ ტაბიძეა; საკრებულოს სამანდატო, საპროცედურო საკითხთა და ეთიკის კომისიის თავმჯდომარე "რესპუბლიკელი" რომან ბიწაძეა ; საკრებულოს ქონების მართვის, ბუნებრივი რესურსებისა და აგრარულ საკითხთა კომისიის თავმჯდომარის კანდიდატი, "მრეწველების" წევრი გიორგი ჩახვაძეა; საკრებულოს საფინანსო, საბიუჯეტო და ეკონომიკურ საკითხთა კომისიის თავმჯდომარის კანდიდატი კი "ქართული ოცნების" წევრი ალეკო სარიშვილია.
ჩვენთვის ასევე ცნობილი ხდება, რომ საპროცედურო კომისიაში ფრაქციის ჩამოსაყალიბლებლად ოთხი განცხადებაა შესული.
ფრაქცია "მაჟორიტარები" – ჯუმბერ ბლაგიძე, ევგენი მორჩილაძე, გიორგი მორჩილაძე; ფრაქცია "დავით თარხან-მოურავი – პატრიოტთა ალიანსი" – ემზარ თევდორაძე, დარეჯან ბურჭულაძე, ომარ ვადაჭკორია; ფრაქცია "თავისუფალი დემოკრატები" – ელგუჯა ჩხაიძე, ელისო ჭიჭინაძე, გიორგი ჩახვაძე; "ქართული ოცნება – კონსერვატორები" – ალექსანდრე მახათაძე, გელა კილაძე, იოსებ სარჯველაძე.
