პარალმენტის იურიდიულ საკითხთა კომიტეტის სხდომაზე საქართველოს პრეზიდენტის მიერ საქართველოს ცენტრალური საარჩევნო კომისიის წევრობის ერთ ვაკანტურ თანამდებობაზე ასარჩევად წარმოდგენილი ლევან ტურაშვილისა და ზურაბ ხრიკაძის კანდიდატურები განიხილეს.
კანდიდატურები დეპუტატებს პრეზიდენტის საპარლამენტო მდივანმა, გიორგი კვერენჩხილაძემ წარუდგინა, რის შემდეგაც კომიტეტის წევრებმა თავად ლევან ტურაშვილისა და ზურაბ ხრიკაძეს მოუსმინეს. კენჭისყრის შედეგად ვერცერთმა კანდიდატმა მხარდაჭერისთვის დეპუტატთა ხმების საკმარისი რაოდენობა ვერ მოიპოვა.
იურიდიულ საკითხთა კომიტეტის თავმჯდომარის, ვახტანგ ხმალაძის განმარტებით, კომიტეტზე გამართული კენჭისყრის შედეგების მიუხედავად, საქართველოს პრეზიდენტის მიერ ცენტრალური საარჩევნო კომისიის წევრობის ერთ ვაკანტურ თანამდებობაზე ასარჩევად წარმოდგენილი ლევან ტურაშვილისა და ზურაბ ხრიკაძის კანდიდატურების განხილვა პარლამენტის პლენარულ სხდომაზე მაინც გაიმართება.
