საქართველოს პარლამენტი განიხილავს ”შრომითი მიგრაციის შესახებ კანონპროექტს”, რომლის მიხედვითაც საქართველოში მუდმივი ბინადრობის ნებართვის არმქონე უცხოელის დასაქმება (გამონაკლისების გარდა), დასაშვები იქნება მხოლოდ იმ შემთვევაში, როდესაც შესაბამისი კვალიფიკაციის პერსონალს ადგილობრივ ბაზარზე ვერ მოიძიება.
კანონპროექტის მიხედვით დამსაქმებელი ვალდებულია დაარეგისტრიროს არსებული ვაკანსი(ები)ის მოთხოვნა საქართველოს შრომის, ჯანმრთელობისა და სოციალური დაცვის სამინისტროს შესაბამისი ადმინისტრაციული ორგანოში.
ადმინისტრაციული ორგანო ადგილობრივი დამსაქმებლისთვის შესაბამისი კადრის/ების შეთავაზებას ახდენს მოთხოვნის წარდგენიდან 7 სამუშაო დღეში. იმ შემთხვევაში, თუ ადმინისტრაციული ორგანო 7 სამუშაო დღეში ვერ მოიძიებს წარმოდგენილი მოთხოვნის შესაბამის კადრს, ან/და ადგილობრივი დამსაქმებლის მიერ წარმოდგენილი იქნება შეთავაზებულ კადრზე
წერილობითი, დასაბუთებული უარი, ამ ვადის ამოწურვის შემდეგ, ადგილობრივი დამსაქმებლის მოთხოვნა რეგისტრირებულად ითვლება და მას ამის შემდეგ შეეძლება საქართველოში მუდმივი ბინადრობის ნებართვის არმქონე უცხოელის დასაქმება.
აღნიშნულთან დაკავშირებით, საქართველოს ახალგაზრდა ეკონომისტთა ასოციაცია მიიჩნებს, რომ ეს ნორმა ძირითადად მხოლოდ ფორმალურად შესრულდება დამსაქმებლების
მიერ და რეალურად არ უზრუნველყოფს ადგილობრივი კადრებისთვის უპირატესობის მინიჭებას.
"დამსაქმებლები ყველა შემთხვევაში ეცდებიდან დაიწუნონ ადგილობრივი კადრები იმ ვაკანსიებზე, რომლებზეც უცხოელის დასაქმებას გეგმავენ.
ამასთან მნიშვნელოვანია, რომ ადგილობრივი დასაქმების მსურველები უმეტეს შემთხევაში თავს შეიკავებენ ადმინისტრაციულ ორგანოში საკუთარი კანდიდატურის წარდგენაზე, რადგან მათ ექნებათ საფუძლიანი მოლოდინი რომ დამსაქმებელი მათ თითქმის ყველა შემთხევაში დაიწუნებს, რადგან დამსაქმებელს არსებულ ვაკანსიაზე უცხოელის დასაქმება აქვს დაგეგმილი. კანონის მსგავსი ნორმები, ბევრ ქვეყანაში მოქმედებს და ის მხოლოდ ფორმალურად სრულდება დამსაქმებლების მიერ.
შესაბამისად ჩვენი აზრით, ამ ნორმის ამოქმედება ხელოვნურად გაართულებს დამსაქმებლების საქმიანობას საქართველოში და უარყოფით გავლენას მოახდენს ქვეყანის
საინვესტიციო იმიჯზე.
მივმართავთ საქართველოს პარლამენტს და საქართველოს შრომის, ჯანმრთელობისა და სოციალური დაცვის სამინისტროს, რათა კანონპროექტიდან ამოღებულ იქნას აღნიშნული
ნორმა."
