რეჟისორმა გოგა ხაიდრავამ, გუშინ, ტელეიმედის ეთერში არასამთავრობო როგანიზაციები _ "სამართლიანი არჩევნები" და "საერთაშორისო გამჭირვალობა _ საქართველო" კორუფციულ სქემაში მონაწილეობაში დაადანაშაულა.
მისივე თქმით, შვედური ორგანიზაციიის _ "სიდას” მიერ გამოგზავნილი გრანტებით, რომელიც სიღარიბის დაძლევას უნდა მოხმარებოდა, ქართული არასამთავრობოები პოლიტიკური ხასიათის კვლევებს აწარმოებდნენ.
ხაინდარავას ამ განცხადებას ეთერშივე გამოეხმაურა "სამართლიანი არჩევნების" ხელმძღვანელი ნინო ლომჯარია:
_ თქვენ ტყუით ბატონო გოგა. ეს არის საზოგადოების შეცდომაში შეყვანა, ამის მტკიცებულებები მაჩვენეთ. ამის გამო გიჩივლებთ.
"სიდა”- დან გრანტი არ ამიღია და საიდან მოგაქვთ? ჩვენ აუცილებლად გიპასუხებთ და ძალიან შეგრცხვებათ მერე. ბოდიში მოიხადეთ ბატონო გოგა" – მიმართა ლომჯარიამ ხაინდრავას.
ამ ამბებს გამოხმაურებები უკვე მოჰყვა პოლიტიკურ წრეებში. თბილისის საკრებულოს წევრი, "რესპუბლიკური პარტიის" ერთ-ერთი ლიდერი დავით ზურაბიშვილი წერს, რომ "ეს ანტიენჯეოშნიკური კამპანია უაღრესად არაკვალიფიციური და არაკომპეტენტურია"
_ ეს ანტიენჯეოშნიკური კამპანია 2030-ის დიადი ექსპერტების მონაწილეობით არის:
ა) უაღრესად არაკვალიფიციური და არაკომპეტენტური;
ბ) ანტიდასავლური განწყობილებების გამღვივებელი და პრორუსულ-ფაშისტოიდური ჯგუფების ინტერესების შესაბამისი;
გ) უპასუხისმგებლო და ანტისახელმწიფოებრივი.
სხვა რა ვთქვა? ნოდარ დუმბაძის ცნობილი ეპიზოდი მახსენდება მხოლოდ, სანადიროდ წასული ილარიონი და ზურიკელა კურდღლის ნაცვლად საწყალ მურადას რომ შეიწირავენ და მერე ილიკო რომ დეპეშას გამოგზავნის: ვაი თქვენს პატრონს უბედურს, ძაღლებზე სანადიროდ რომ წახვალთ, არ გამომაპაროთ, _ წერს ზურაბიშვილი სოციალურ ქსელში.
ამავე თემაზე: გოგა ხაინდრავას ბრალდებები და არასამთავრობოების პასუხი
