თბილისის სახელმწიფო სამხატვრო აკადემიის, დიზაინის ფაკულტეტის, მოდის დიზაინის მიმართულება ლონდონის საერთაშორისო მოდის შოუქეიზზე წარსდგება.
ბრიტანეთის მოდის საბჭოსა და ლონდონის მოდის კვირეულის ერთობლივი ჟიურის მიერ ლონდონის საერთაშორისო შოუქეიზისთვის წარდგენილი 100-მდე პროექტიდან, 15 საუკეთესო ნამუშევარი შეირჩა, რომელთაგან ერთ-ერთი სწორედ სამხატვრო აკადემიის, დიზაინის ფაკულტეტის, მოდის მიმართულებისაა.
კონკურსში გამარჯვებულები სამ მიმართულებაში გამოვლინდებიან: საუკეთესო კონცეპტუალური ინსტალაცია, საუკეთესო კურატორი და საუკეთესო მოდის დიზაინერი.
მოდის დიზაინის მიმართულება, ლონდონში, 19 თებერვალს პროექტით – "არტ-ფეშენი – რეკონსტრუქცია 2 – აკადემიის ლაბირინთებში", წარსდგება.
