პრემიერ-მინისტრის გურიაში ჩამოსვლამდე რამდენიმე წუთით ადრე ელექტროენერგიის გამორთვის მიზეზს ვერ აკონკრეტებენ "ენერგო პრო ჯორჯიაში". როგორც ადგილობრივ ერვისცენტრში გვითხრეს, დენი სისტემიდან გამოირთო.
_ არ ვიცით რა გახდა დენის გამორთვის მიზეზი. სისტემიდან გამოირთო მთელი გურია, _ აღნიშნა ჩვენთან საუბრისას "ენერგო პრო ჯორჯიას" ჩოხატაურის სერვისცენტრის ხელმძRვანელმა ვანო ჭარბაძემ.
გურიას ელექტროენერგიის მიწოდება ეს წუთია აღუდგა.
შეგახესენებთ, რომ დღეს გურიას პრემიერი სტუმრობს.
რეგიონის ეკონომიკური პოტენციალის პრეზენტაციამდე, მთავრობის მეთაური რეგიონში ახლად გახსნილ და მშენებარე საწარმოებს დაათვალიერებს. 10:30 საათზე, ირაკლი ღარიბაშვილი ჩოხატაურში მშენებარე ხილის გადამამუშავებელ საწარმოს ესტუმრება. კიდევ ერთ საწარმოს, რომელიც მაისის ბოლოს გაიხსნება, პრემიერი ანასეულში დაათვალიერებს, ხოლო გურიანთაში – ახლად გახსნილი ჩაის გადამამუშავებელი ქარხნის მუშაობას გაეცნობა.
