ამ წუთებში ლანჩხუთის ცენტრალური მაგისტრალი გადაკეტილია. როგორც გვითხრეს ამის მიზეზი ავარიაა, რის გამოც, რამდენიმე საათია საავტომობილო მოძრაობა შეჩერებულია.
როგორც "გურია ნიუსს" მგზავრებმა უთხრეს, საპატრულო პოლიცია ვერ აკონკრეტებს როდის მოხდება გზის გახსნა:
_ იქნებ თქვენ მაინც დაგვეხმაროთ. პასუხის გამცემი არავინაა. სენაკის გზიდან წადითო და სენაკის გზა გადაკეტილია. არ ვიცით რა უნდა გავაკეთოთ. დიდი ხანია გზაში ვართ და პასუხის გამცემიც კი არავინაა, _ გვითხრეს სატელეფონო საუბარში მგზავრებმა.
"გურია ნიუსი" დეტალების დაზუსტებას ამ წუთებში ცდილობს და უახლოეს ინფორმაციას მიღებისთანავე მოგაწვდით.
