"საქართველოს ხელისუფლების ბოლოდროინდელი, პირდაპირ შეიძლება ითქვას, უპასუხისმგებლო გადაწყვეტილება, რომ ევროკავშირის ქვეყნებთან ერთად შეურთეს რუსეთის წინააღმდეგ დაწესებულ სანქციებს, საქართველოს კიდევ უფრო მძიმე მდგომარეობაში ჩააყენებს.
იმ ფონზე, როდესაც რუსეთის ხელისუფლების მიერ არაერთხელ ოფიციალურად იქნა გაჟღერებული საქართველოსთან ურთიერთობების დათბობისა და ფართომაშტაბიანი პოლიტიკური მოლაპარაკებების დაწყების სურვილი, პირდაპირ მავნებლობად შეილება შეფასდეს საქართველოს ხელისუფლების ეს გადაწყვეტილება." – აცხადებს "დემოკრატიული მოძრაობა – ერთიანი საქართველოს" ლიდერი, ნინო ბურჯანაძე.
მისივე თქმით, ხელისუფლების უგუნურებაზე მეტყველებს, რომ ყურადღება არ მიაქცია, ან საერთოდ ვერ მიხვდა იმას, რომ საქართველოს ასოცირებული ხელშეკრულების გაფორმების მიუხედავად რუსეთს არ განუხორციელებია არანაირი რეაგირება, არც ერთი მიმართულებით, ჩვენს წინააღმდეგ, თუმცა პარალელურად იგივე მიზეზის გამო მან აკრძალა მოლდოვური ღვინისა და სხვა პროდუქციის შეტანა საკუთარ ბაზარზე, აღარაფერს ვამბობთ უკრაინაში განვითარებულ მოვლენებზე.
" კიდევ ერთხელ მინდა შევახსენო საზოგადოებას, რომ რუსეთში ჩემი ვიზიტის დროს გამართული მოლაპარაკებებისა შედეგად, დაწყებულია პროცესი საქართველოს მოსახლეობისათვის კატეგორიების მიხედვით ვიზების გამარტივებასთან დაკავშირებით, ასევე რუსეთის ბაზარზე გასატანი პროდუქციის გაფართოებასთან დაკავშირებით, რაც აბაშიძე-კარასინის შეხვედრის შემდეგ ოფიციალური განცხადებით დაადასტურა როგორც რუსულმა, ასევე იძულებით დაადასტურა ქართულმა მხარემ. გარდა ამისა მიღწეული იყო სხვა უმნიშვნელოვანესი შეთანხმებები, რისი მოსმენაც არ ისურვეს საქართველოს ხელისუფლების უმაღლესმა პირებმა, ვინაიდან "ქართული ოცნება", როგორც ჩანს, გადაწყვეტილებებს იღებს არა საქართველოს სახელმწიფო ინტერესებიდან, არამედ ვიწროპარტიული და მონური დამოკიდებულებებიდან გამომდინარე და სწორედ ამის გამო დღეს ჩემს მიერ მიღწეული ყველა შეთანხმება შეიძლება კითხვის ნიშნის ქვეშ დადგეს.
ევროკავშირისა და ნატოს წევრი ქვეყნები, ამერიკის შეერთებული შტატები, უწყვეტ რეჟიმში განაგრძნობენ სტრატეგიულ თანამშრომლობას რუსეთის ფედერაციასთან ვინაიდან ეს სჭირდება მათი ქვეყნების სახელმწიფო ინტერესებს და ვერაფრით აიხსნება თუ რატომ იყენებს თავს უმძიმეს მდგომარეობაში საქართველო. ხელისუფლების ამ უპასუხისმგებლო და ანტისახელმწიფოებრივი ქმედებების შედგებს სულ მალე იწვნევს ჩვენი მოსახლეობა,სამწუხაროდ რუსეთში უკვე დაიწყო საუბარი საქართველოდან ხილისა და სხვა პროდუქციის იმპორტის აკრძალვასთან დაკავშირებით.
იმედს ვიტოვებ, ძალიან მალე საქართველოს ხელისუფლებას ერთხელ და სამუდამოდ დატოვებს პატრონების მიერ მართული პოლიტიკური ძალები და ქვეყნის სათავეში მოვა პროფესიონალების გუნდი, რომლის უმთავრესი ამოცანა და პრიორიტეტები საქართველოს გამთლიანება, საკუთარი სახელმწიფოს ინტერესების დაცვა და ქვეყნის მოსახლეობის მოთხოვნებისა და სურვილების დაკმაყოფილება იქნება" – ამბობს ნინო ბურჯანაძე.
