ჩიბათის სკოლა საერთაშორისო პროექტებში ჩაერთო

პოლონეთის„ ევროპული ასოციაციის თანამშრომლობის ცენტრისა“ და არასამთავრობო ორგანიზაცია „მეგობრობის ხიდი ქართლოსი“  ერთობლივ პროექტში, რომელშიც  სამოქალაქო განათლების 20 პედაგოგი იღებდა მონაწილეობას, ლანჩხუთელმა პედაგოგმა ლადომ აფხაზავამ წარმატებას მიაღწია:

_  „პრეზენტაციაზე -„ჩვენ ვართ  მოქალაქეები, ახალგაზრდობის სამოქალაქო აქტივობის ხელშეწყობა“ წარსადგენად, რომელიც პოლონეთსა და გერმანიაში იგეგმება,  საქართველოდან მხოლოდ ჩემი და ბოლნისის კერძო სკოლა „დავითიანის“ მონაცემები შეფასდა დადებითად. ჩიბათის საჯარო სკოლა მიიწვიეს, როგორც განსხვავებული სტრატეგიის მატარებელი. სკოლაში განხორციელებულმა პროექტებმა საკმაოდ კარგი შეფასებები მიიღო.

ჩემთვის ძალიან მნიშვნელოვანია ეს პრეზენტაცია, რადგან მსოფლიოს 40 ქვეყანას შორის იქნება წარმოდგენილი ჩიბათის სკოლაც, რომელსაც ნამდვილად აქვს პოტენციალი ჩაერთოს საერთაშორისო პროექტებში. პირადად მე ყველაფერს გავაკეთებ, რომ საკუთარი წვლილი შევიტანო სკოლის წარმატებაში“, – გვითხრა ლადო აფხაზავამ, რომელიც პოლონეთსა და გერმანიაში პირადად წარადგენს ჩიბათის საჯარო სკოლას..

მისივე თქმით, პროექტის ძირითადი მიზანია სხვადასხვა ქვეყნის სკოლებმა ერთმანეთს  გააცნოს საუკეთესო საგანმანათლებლო პრაქტიკა, რაც ხელს შეუწყობს სკოლის, როგორც საუკეთესო სასწავლო საზოგადოების შექმნას.