რუსეთი ვერ გაბედავს თურქეთის წინააღმდეგ პირდაპირ გამოიყენოს ძალა, რადგანაც თურქეთი ნატოს წევრია, -თვლიან დასავლური მედიის ანალიტიკოსები.
შურისძიების მიზნით კრემლს მხოლოდ ის შეუძლია, რომ სირიაში თურქეთის მოკავშირეებზე დარტყმები გააძლიეროს. მოსკოვს წესით, ასეთი შემთხვევისთვის, რომლის ალაბათობაც საკამოდ მაღალი იყო, სარეზერვო გეგმა უნდა ჰქონდეს. – წერს The Teglegraph -ის მოსკოველი კორესპონდენტი როლანდ ოლიფანტი, თურქების მიერ ჩამოგდებული რუსულ თვითმფრინავთან დაკავშირებით კრემლის რეაქციაზე.
მისი აზრით, რუსეთის სამხედრო პასუხი პრაქტიკულად გამორიცხულია, რადგანაც თურქეთი ნატოს წევრი ქვეყანაა და მის თვითმფრინავებზე საპასუხო ცეცხლის გახსნის შემთხვევაში, შესაძლოა მესამე მსოფლიო ომი დაიწყოს. როგორც Financial Times წერს, რუსულ თვითმფრინავთან დაკავშირებული ინციდენტი, იმ დროს, როცა სირიის საკითხთან დაკავშირებით რუსეთისა და დასავლეთის პოზიციები დაახლოვდნენ, სირიაში დიპლომატიურ ძალისხმევას დარტყმის ქვეშ აყენებს.
ევროპის საბჭოს თავმჯდომარემ დონალდ ტუსკმა მოწოდება გააკეთა, რომ ამ "საშიშ მომენტში" "ცივი თავები" უნდა შევინარჩუნოთ და ემოციებით არ უნდა განვსაჯოთ, – წერს გამოცემა.
იენ კერნსი, რომელიც "ევროპელი ლიდერების ქსელის" ანალიტიკური ცენტრის ხელმძღვანელია, აცხადებს, რომ ეს ინციდენტი მოსალოდნელი იყო და საფრთხეების საჩვენებელ ნიმუშს წარმოადგენს, რომელთანაც შესაძლოა შეჯახება მოუწიოს ნატოს. მან გაიხსენა, რომ რუსულ თვითმფრინავებს ადრეც ჰქონდათ ალიანსის საჰაერო სივრცის სიახლოვეს პროვოკაციული ქმედებები, რომლითაც მის ავიაციას და საზღვაო ხომალდებს ემუქრებოდა.
პენტაგონის წარმომადგენელმა CNN -ის ეთერში განაცხადა, რომ თურქეთმა თვითმფრინავის ჩამოგდების თაობაზე ინფორმაცია მიაწოდა. მანვე განაცხადა, რომ ამერიკის შეიარაღებული ძალები ამ ინციდენტთან დაკავშირებული არ არიან.
საერთაშორისო უსაფრთხოების ანალიტიკური ცენტრის "აზიურ-წყნარ ოკეანის ფონდის" დირექტორმა საჯან გოჰელმა იმავე CNN-თან საუბრის დროს სუ -24 თან დაკავშირებულ ინციდენტს სერიოზული ესკალაცია უწოდა. მისი აზრით, პარიზის ტერაქტების შემდეგ, როცა გაჩნდა იმიედი, რომ რუსეთი კოალიციას შექმნიდა ისლამური ხალიფატის წინააღმდეგ ამერიკასა და საფრანგეთთან ერთად, რუსულ თვითმფრინავზე თურქეთის თავდასხმა "ძალიან უდროო აღმოჩნდა".
ყოფილი თურქი დიპლომატი სინან იუგენი, რომელიც სტამბულში ანალიტიკურ ცენტრ "ერდამს" ხელმძღვანელობს, ბრიტანულ გაზეთ The Guardian -თან საუბარში აცხადებს, რომ ინციდენტი გარკვეული დროის განმავლობაში მწიფდებოდა. იგი იხსენებს, რომ ბოლო რამდენიმე კვირის განმავლობაში თურქეთის საჰაერო სივრცე ორჯერ დაირღვა და შედეგად რუსი სამხედრო მაღალჩინოსნები ორჯერ ეწვივნენ თურქეთს. სტუმართა შორის რუსული საჰაერო კოსმოსური ძალების ერთ-ერთი ხელმძღვანელიც კი იყო. იულგენი ამტკიცებს, რომ რუსმა სამხედროებმა წინა ინციდენტების გამო ბოდიშიც კი მოიხადეს და განაცხადეს, რომ ერთ შემთხვევაში პრობლემა პილოტის მიერ თურქული ენის არ ცოდნაში იყო. ანალიტიკოსის თქმით, ანაკარაში შეიქმნა შთაბეჭდილება, რომ პრობლემა მოხსნილია და ურთიერგაგებას მიაღწიეს. ის რომ, საბოლოოდ თურქებმა ჩამოაგდეს რუსული თვითმფრინავი, იულგენს არ უკვირს. ის მიუთითებს რუსეთის მიერ არჩეულ სტრატეგიაზე, რომლის ფარგლებშიც მოწმდებოდა თურქების რექცია საზღვრის მიმდებარე ფრენებზე და იმის დადგენა, თუ რა შემთხვევებში გამოიყენებდა თურქეთი ძალას.
მან ისიც აღნიშნა, რომ რუსები პირველად საზღვრიდან 13 მილის მანძილზე გააფრთხილეს, შემდეგ საზღვრიდან ხუთ მილში და ამის მერე გადაუჭრა გზა მათ თურქულმა ბომბდამშენმა.
ბრიტანეთის ანალიტიკური ცენტრის "თავდაცვითი კვლევების სამეფო გაერთიანების" წარმომადგენელმა შაშანკ ჯოშმა The Times-ს განუცხადა, რომ რუსი სამხედროები ამოწმებდნენ თუ რა რეაქცია ექნებოდათ თურქებს და რა ძალისმიერ პასუხს გამოიყენებდნენ ისინი. ფაქტიურად იყენებდნენ "ფსიქოლოგიური დაშინების" ტაქტიკას. ეს ნაბიჯი პოლიტიკური და სამხედრო ტაქტიკისათვის სჭირდებოდათ, – თვლის ანალიტიკოსი.
ჯოშის აზრით, ასეთი ტაქტიკა ხშირად გამოუცნობია და ისტორიამ იცის მაგალითები, როცა მსგავსი ქმედებებით დაიწყო კონფლიქტები. ის ხაზს უსვამს იმას, რომ სირიის თავზე რუსულის გარდა, ამერიკის ხელმძღვანელობით, ანტიტერორისტული კოალიციის სხვა წევრი ქვეყნების თვითმფრინავებიც დაფრინავენ. ანალიტიკოსი ვარაუდობს, რომ ანაკარა საზღვრის დარღვევის შემთხვევაში გააგრძელებს რუსეთის წინააღმდეგ სადამსჯელო ქმედებებს, ნატო კი ამ საკითხში მკაცრ პოზიციას დაიკავებს.
ის თვლის, რომ კულისებს მიღმა გააქტიურდება დიპლომატიური აქტივობებიც, რომ განიმუხტოს მდგომარეობა. The New York Times ყურადღებას იმაზე ამახვილებს, რომ ამ კვირაში საფრანგეთის პრეზიდენტი ფრანსუა ოლანდი ისლამური ხალიფატის წინააღმდეგ კოალიციის შექმნის მიზნით სხვადასხვა ქვეყნებს ეწვევა. მათ შორის ამერიკასა და რუსეთსაც.
გამოცემა აღნიშნავს, რომ ამ ფონზე თვითმფრინავის ჩამოგდებასთან დაკავშირებული ინციდენტი უფრო გააუარესებს რუსეთისა და თურქეთის ურთიერთობას, რომელთა გარეშეც სირიის კონფლიქტის მოგვარება შეუძლებელია.
