ბრიტანელი მამაკაცი, რომელიც თავის სიმსივნით იტანჯებოდა, „iPhone“-ის მეშვეობით გაჩენილ ხანძარს ემსხვერპლა. ამ ინფორმაციას „The Independent“-ი ავრცელებს.
ქალაქ რედინგის მკვიდრი მარეკ კრიუგერი თავის ტვინის სიმსივნით იტანჯებოდა, რამაც მისი სხეულის მარცხენა ნაწილის დამბლა გამოიწვია და საწოლიდან ვერ დგებოდა. მარეკი თავის „iPhone“-ს საწოლთან დებდა და ხშირად მის დატენვას დასაშვებზე მეტი ხნის მანძილზე ახდენდა.
ერთ-ერთი ასეთი შემთხვევა ფატალური აღმოჩნდა და მოწყობილობის ბატარეა გადახურდა, რაც ხანძრის მიზეზი გახდა. პათოლოგოანატომის ანგარიშის მიხედვით მარეკ კრიუგერმა სხეულის 64 პროცენტის დამწვრობა მიიღო და კვამლში გაიგუდა.
