ევროპელი მენეჯერები კვლავაც პესიმისტურად უყურებენ კონტინენტის ეკონომიკურ მომავალს.
გაზეთ "ჰანდელსბლატისა" და კონსალტინგური ფირმა "დროგ ენდ კომპანის" შეკვეთით ჩატარებული გამოკითხვის შედეგად, კომპანიებმა – "ფსეფოსმა" და "ინოფაქტმა" გამოავლინეს, რომ ევროს მომავალი კვლავ საფრთხის ქვეშაა.
გამოკითხვაში მონაწილეობა 1 200-მდე მენეჯერმა მიიღო გერმანიაში, საფრანგეთში, იტალიაში, დიდ ბრიტანეთსა და შვეიცარიაში.
ყველაზე ოპტიმისტურად გერმანელები არიან განწყობილნი, რომლებიც აცხადებენ, რომ საბოლოოდ ევროპის სავალუტო კავშირი გაძლიერებული გამოვა. ამ აზრს გერმანელი ექსპერტი ანდრეას რეესიც იზიარებს, რომელსაც მიაჩნია, რომ ევროპელები უფრო სერიოზულ ყურადღებას აქცევენ საბიუჯეტო დეფიციტისა და ვალის პრობლემას, ვიდრე ამერიკის შეერთებულ შტატებში.
საგულისხმოა, რომ ქვეყნის პოლიტიკური ელიტის მიერ გადადგმულ ანტიკრიზისულ ნაბიჯებს გერმანელი მენეჯერები უფრო კრიტიკულად უყურებენ, ვიდრე მათი ევროპელი კოლეგები.
საშუალოდ, ევროპაში პოლიტიკოსთა ქმედებებს დადებითად გამოკითხულთა მხოლოდ 11 პროცენტი უყურებს.
