კენიის დედაქალაქ ნაირობის ეროვნული პარკიდან ლომები გაიქცნენ. აღნიშნულ ინფორმაციას CNN ავრცელებს.
მაუწყებლის ინფორმაციით, პარკის ადმინისტრაციას დაკარგული ლომების რაოდენობის შესახებ დაზუსტებული ინფორმაცია არ აქვს.
გავრცელებული ცნობით, პარკის ღობეში ელექტროენერგია გადის, ამიტომ უცნობია თუ როგორ მოახერხეს ლომებმა პარკის დატოვება.
ადგილობრივი ხელისუფლება მოსახლეობას უსაფრთხოების მიზნით, სახლებში დარჩენისკენ მოუწოდებს.
