"გურია ნიუსის" წყაროს ინფორმაციით, თბილისის საქალაქო სასამართლო საქართველოს საკონსტიტუციო სასამართლოს თავმჯდომარის, გიორგი პაპუაშვილის სადავო ქონებაზე საქმის განხილვას იწყებს.
პირველი სხდომა თბილისის საქალაქო სასამართლოს ადმინისტრაციულ საქმეთა კოლეგიაში, ხვალ, 31 მაისს არის ჩანიშნული.
დავის მხარეები, გიორგი პაპუაშვილთან ერთად, სახელმწიფოა. მოქალაქე როლანდ ბლადაძის სარჩელის მოპასუხეები კი, საქართველოს ეკონომიკისა და მდგრადი განვითარების სამინისტრო და იუსტიციის სამინისტრო არიან.
ცნობისთვის, როლანდ ბლადაძე მოითხოვს ბათილად იქნეს ცნობილი 2007 წლის 21 ივნისის ნასყიდობის ხელშეკრულება, რომელიც მისივე განცხადებით, "კანონსაწინააღმდეგო და ამორალურია". გიორგი პაპუაშვილი კი, აღიარებულ იქნეს არაკეთილსინდისიერ შემძენად და მფლობელად, შესაბამისად.
წყაროს ინფორმაციით, ხვალინდელ სხდომას, შესაძლოა, თავად დაზარალებული როლანდ ბლადაძეც დაესწროს.
ცნობისთვის, თბილისის საქალაქო სასამართლომ საქართველოს საკონსტიტუციო სასამართლოს თავმჯდომარის, გიორგი პაპუაშვილის სადაო ქონებასთან დაკავშირებით, მოსარჩელე როლანდ ბლადაძის სარჩელი, წარმოებაში 2016 წლის 18 იანვარს მიიღო.
"გურია ნიუსი" ორგანიზაცია "ახალგაზრდა ადვოკატების" ხელმძღვანელ არჩილ კაიკაციშვილს დაკავშირდა, რომელიც საერთო სასამართლოებში როლანდ ბლადაძის ინტერესებს იცავს; თუმცა, კაიკაციშვილი საკითხთან დაკავშირებით განმარტებას ჯერჯერობით არ აკეთებს.
ადვოკატის განცხადებით, "ახალგაზრდა ადვოკატები" დღის ბოლომდე სპეციალურ განცხადებას გაავრცელებს.
ეხება თუ არა ორგანიზაციის დაანონსებული განცხადება გიორგი პაპუაშვილთან სადავო ქონების თაობაზე ჩანიშნული სხდომის საკითხს, ამის გარკვევა ორგანიზაციის საზოგადოებასთან ურთიერთობის მენეჯერ გიორგი ზოიძესთან ვცადეთ.
"ამჟამად, ორგანიზაციის სამართლის ჯგუფი და ორგანიზაციის ხელმძღვანელი, საერთაშორისო სამართლის სპეციალისტებს ხვდება. გიდასტურებთ, რომ შეხვედრა ეხება ორგანიზაციისთვის ერთ-ერთი ცნობილი საქმის განხილვას. აღნიშნულ საქმეზე, თბილისის საქალაქო სასამართლოში, ხვალ დილით სხდომა მართლაც ჩანიშნულია. მედიას დამატებით ინფორმაციას დღის ბოლომდე მივაწვდით", _ განაცხადა ჩვენთან საუბრისას ზოიძემ.
"გურია ნიუსი" აღნიშნულ საკითხთან დაკავშირებით საკონსტიტუციო სასამართლოს პრესსამსახურს დაუკავშირდა, სადაც ამბობენ, რომ მათ სხდომის ჩანიშვნის შესახებ ინფორმაცია არ აქვთ.
თემაზე მუშაობას ვაგრძელებთ და უახლეს ინფორმაციას მოწოდებისთანავე შემოგთავაზებთ.
ამავე თემაზე:
გადაარჩინეთ ქართული მართლმსაჯულება! – "ახალგაზრდა ადვოკატები" ომბუდსმენს მიმართვენ
გიორგი პაპუაშვილს სააპელაციო სასამართლომ ქონებაზე ყადაღა მოუხსნა
საკონსტიტუციო სასამართლოს თავმჯდომარეს პროკურატურაში უჩივლეს
ვინ აწვდის ცალმხრივ ინფორმაციას საზოგადოებას პაპუაშვილის სადაო ქონებაზე
გიორგი პაპუაშვილის ქონება დააყადაღეს
"ახალგაზრდა ადვოკატები" პარლამენტს გიორგი პაპუაშვილის იმპიჩმენტის საკითხის განხილვისთვის მიმართავს
პროკურატურაში, საკონსტიტუციო სასამართლოს თავმჯდომარის ქმედებაზე, გამოძიება მიმდინარეობს
"პროკურატურის ახალი დეპარტამენტი სამართლიანობის აღდგენას დააჩქარებს"
ვენეციის კომისია "ახალგაზრდა ადვოკატების" კვლევას ეხმაურება
"ამ ადამიანებმა უნდა უჩივლონ სახელმწიფოს და არა გიორგი პაპუაშვილს"
"ახალგაზრდა ადვოკატების" მიმართვა პრეზიდენტ მარგველაშვილს
ევროპარლამენტი უკანონოდ ქონებაჩამორთმეულის სახლში, გიორგი პაპუაშვილის ცხოვრებას ეხმაურება
"ეკონომიკის სამინისტრო უფრო ახლოს დგას გიორგი პაპუაშვილთან, ვიდრე სამართლიანობის აღდგენის პროცესთან"
