საქართველოს საკონსტიტუციო სასამართლოს თავმჯდომარემ, გიორგი პაპუაშვილმა მის სადაო ქონებაზე თბილისის საქალაქო სასამართლოს მიერ ხვალ ჩანიშნული პროცესის შესახებ არაფერი იცის. ამის შესახებ "გურია ნიუსს" საკონსტიტუციო სასამართლოს პრესსამსახურიდან აცნობეს.
მათ მიერ მოწოდებული ინფორმაციით, გიორგი პაპუაშვილმა ჩვენგან გაიგო, რომ ხვალ თბილისის საქალაქო სასამართლოში პროცესია ჩანიშნული.
"აღნიშნულის შესახებ გიორგი პაპუაშვილს ინფორმაცია არ აქვს. თქვენგან შევიტყვეთ", _ გვითხრეს სასამართლოს პრესსამსახურში.
თუმცა, საქმის ერთ-ერთი მხარის მიერ მოწოდებული ინფორმაციით, გიორგი პაპუაშვილს სასამართლოს უწყება (იხ. ფოტო ქვემოთ) 24 მაისს, ბათუმისა და თბილისის მისამართებზე გაეგზავნა.
ცნობისთვის, "გურია ნიუსმა" მოიპოვა ინფორმაცია, რომ საკონსტიტუციო სასამართლოს თავმჯდომარის სადაო ქონების საქმეზე პირველი სხდომა ხვალ გაიმართება.
დავის მხარეები, გიორგი პაპუაშვილთან ერთად, სახელმწიფოა. მოქალაქე როლანდ ბლადაძის სარჩელის მოპასუხეები კი, საქართველოს ეკონომიკისა და მდგრადი განვითარების სამინისტრო და იუსტიციის სამინისტრო არიან.
ცნობისთვის, როლანდ ბლადაძე მოითხოვს ბათილად იქნეს ცნობილი 2007 წლის 21 ივნისის ნასყიდობის ხელშეკრულება, რომელიც მისივე განცხადებით, "კანონსაწინააღმდეგო და ამორალურია". გიორგი პაპუაშვილი კი, აღიარებულ იქნეს არაკეთილსინდისიერ შემძენად და მფლობელად.
წყაროს ინფორმაციით, ხვალინდელ სხდომას, შესაძლოა, თავად დაზარალებული როლანდ ბლადაძეც დაესწროს.
"გურია ნიუსი" ორგანიზაცია "ახალგაზრდა ადვოკატების" ხელმძღვანელს, არჩილ კაიკაციშვილს დაუკავშირდა, რომელიც საერთო სასამართლოებში როლანდ ბლადაძის ინტერესებს იცავს; თუმცა, კაიკაციშვილი საკითხთან დაკავშირებით განმარტებას ჯერჯერობით არ აკეთებს.
თუმცა, ორგანიზაციის მედიასთან ურთიერთობის მენეჯერი გიორგი ზოიძე ამბობს, რომ „ორგანიზაციის სამართლის ჯგუფი და ორგანიზაციის ხელმძღვანელი, საერთაშორისო სამართლის სპეციალისტებს ხვდება. გიდასტურებთ, რომ შეხვედრა ეხება ორგანიზაციისთვის ერთ-ერთი ცნობილი საქმის განხილვას. აღნიშნულ საქმეზე, თბილისის საქალაქო სასამართლოში, ხვალ დილით სხდომა მართლაც ჩანიშნულია. მედიას დამატებით ინფორმაციას დღის ბოლომდე მივაწვდით", _ განაცხადა ჩვენთან საუბრისას ზოიძემ.
პროცესის ჩანიშვნას ადასტურებენ თბილისის საქალაქო სასამართლოს პრესსამსახურშიც. როგორც "გურია ნიუსს" უთხრეს, საქმეს ადმინისტრაციულ საქმეთა კოლეგიის მოსამართლე დიანა ფარქოსაძე განიხილავს.
სასამართლო პროცესი ხვალ 11:00 საათზეა ჩანიშნული.
ამავე თემაზე:
გადაარჩინეთ ქართული მართლმსაჯულება! – "ახალგაზრდა ადვოკატები" ომბუდსმენს მიმართვენ
გიორგი პაპუაშვილს სააპელაციო სასამართლომ ქონებაზე ყადაღა მოუხსნა
საკონსტიტუციო სასამართლოს თავმჯდომარეს პროკურატურაში უჩივლეს
ვინ აწვდის ცალმხრივ ინფორმაციას საზოგადოებას პაპუაშვილის სადაო ქონებაზე
გიორგი პაპუაშვილის ქონება დააყადაღეს
"ახალგაზრდა ადვოკატები" პარლამენტს გიორგი პაპუაშვილის იმპიჩმენტის საკითხის განხილვისთვის მიმართავს
პროკურატურაში, საკონსტიტუციო სასამართლოს თავმჯდომარის ქმედებაზე, გამოძიება მიმდინარეობს
"პროკურატურის ახალი დეპარტამენტი სამართლიანობის აღდგენას დააჩქარებს"
ვენეციის კომისია "ახალგაზრდა ადვოკატების" კვლევას ეხმაურება
"ამ ადამიანებმა უნდა უჩივლონ სახელმწიფოს და არა გიორგი პაპუაშვილს"
"ახალგაზრდა ადვოკატების" მიმართვა პრეზიდენტ მარგველაშვილს
ევროპარლამენტი უკანონოდ ქონებაჩამორთმეულის სახლში, გიორგი პაპუაშვილის ცხოვრებას ეხმაურება
"ეკონომიკის სამინისტრო უფრო ახლოს დგას გიორგი პაპუაშვილთან, ვიდრე სამართლიანობის აღდგენის პროცესთან"
