"პალიტრა TV"-ის გადაცემა "360 გრადუსს" გიორგი მიქანაძე აღარ წაიყვანს. ამის შესახებ მიქანაძე სოციალურ ქსელში წერს და გადაცემის დატოვების მიზეზებს განმარტავს.
"გაიგებდით ალბათ, სიახლე მაქვს მეგობრებო, აღარ ვარ "360 გრადუსის" წამყვანი-
საჭიროდ ვთვლი, რომ 2 სიტყვით ვთქვა ამის თაობაზე.
ყოველდღიურ რეჟიმში, ფაქტორბივად დღის საინფორმაციო-პოლიტიკური ამბების წაყვანა, ძალიან დიდ დროს და ძალისხმევას თხოულობს, რომ დაიდოს კვალიფიციური პროდუქტი.
როგორც მოგეხსენებათ, მე სხვა მიმართულებებითაც ვმუშაობ. ასევე, ვიწყებ ახალ პროექტს, აბსოლუტურად სხვა მიმართულებით. ფაქტობრივად ამ პერიოდის განმავლობაში, რაც ეთერში ვარ, სხვას ვერაფერს ვასწრებდი (თუ არ ჩავთვლით კვირაში 1-2 ველოსიპედით გასვლას).
გარდა ამისა, თავიდან იყო გეგმა, რომ გადაცემა ყოფილიყო ანალიტიკური და ჩემი ინიციატივა იყო კვირაში ერთი ან რამდენიმე დღე ყოფილიყო, ჩემი გადატვირთული გრაფიკის გამო. ფაქტობრივად დავიწყეთ სატესტო რეჟიმში. გავრისკეთ. თუმცა, არხის პოლიტიკა უფრო ყოველდღიური პოლიტიკური თოქ-შოუს მიმართულებით ჩამოყალიბდა. ხარისხიანი პროდუქცტი მოითხოვდა უკვე სრული სამუშაო გრაფიკით დატვირთვას და უკვე კვირაში ყველა სამუშაო დღეც. რაც ავწონ-დავწონე, დავფიქრდი ნამდვილად არ მიღირდა და ვერ შევძლებდი ამ ეტაპისთვის, ასეთი დატვირთვით, ასეთ რეჟიმში. სამწუხაროა, რომ წინასწარ ვერ განვსაზღვრე.
მართალი უნდა ვთქვა, მიუხედავად იმისა, რომ კეთილგანწყობებს ხშირად მიფიქსირებდნენ მაყურებლები, თავად მე ვიყავი კრიტიკული საკუთარი თავის მიმართ და ბოლომდე არ მომწონდა ჩემი წილი პროდუქტი, რომელსაც ვდებდით და შესაბამისად, არც სიამოვნებას ვღებულობდი. ეს მიქმნიდა დისკომფორტს, სტრესი და ა.შ. რა თქმა უნდა, შენიშვნები ექნებოდა ხელმძღვანელობასაც.
არხის ხელმძღვანელობას დეტალურად შევატყობინე საკუთარი ხედვები და გამოსავლები, თუმცა საუბრის შემდეგ, შევჯერდით ერთობლივ ყველაზე ოპტიმალურ გადაწყვეტილებაზე.
ვნახოთ, უკვე მაქვს ახალი შემოთავაზებები თავად იგივე ტელეკომპანიაში, სხვა ფორმატის, სხვა გადაცემაზე და თქვენ წარმოიდგინეთ უკვე მოესწრო, – სხვა ტელევიზიებისგანაც მივიღე კონკრეტული შემოთავაზებები.
არ ვიცი რა გადაწყვეტილებას მივიღებ.
გული ნამდვილად მწყდება, იმიტომ რომ ნამდვილად მქონდა გათვლები და მოლოდინები ჩემი ამ გადაწყვეტილებისგან. თუმცა, ერთი კი ცხადია, – ეჭვიც არ მეპარება, რომ ის, რაც ერთად გადავწყვიტეთ ყველაზე სწორი და ოპტიმალურია ახლა ჩემთვისაც და არხისთვისაც.
მინდა წარმატებები ვუსურვო კომპანიას. ნამდვილად საინტერესო იდეაა, ნამდვილად მონდომებული ხალხი მუშაობს და იმედია დაიდება შესაბამისი შედეგიც.
ჰო, და მინდა გითხრათ, რომ ყველაზე მაგარი ხალხი ტელევიზიებში "ბექებში" მუშაობენ. ადამიანები, რომლებიც არ ჩანან – ოპერატორები, რეჟისორები, პროდუსერები, ასისტენტები, ჟურნალისტები, ვიჟაზისტები, დამლაგებლები (უსაყვარლესი ქალი) და ა.შ. წარმატებები ყველას!
p.s. ასე, რომ ძვირფასო ტელევიზიებო კვლავ თავისუფალი მოქალაქ ვარ, პოზიციების ღიად დაფიქსირებაში. ისევ აქტიური, ისევ ტრანსფორმაციული, ისევ ქარიზმატული, ცოტა მეტი გამოცდილებითა და შემართებით – თუ დაგაინტერესებ ჩემი აზრი დამიძახეთ, – გაგიზიარებთ სიამოვნებით.
p.s.2. ძალიან სიმბოლურია, რომ დღეს კულტურის მინისტრი მყავდა სტუმრად და დავუსვი ის კითქვა, რაც დიდი ხანია საყდრისზე მაწუხებდა, გულს მიგლეჯდა და ხმას არ ვიღებდი. ჩემს მიმართ ძალიან ბევრი სიბინძურე ისროლეს იმის გამო, რომ ერთ-ერთი ავტორი ვიყავი ხმაურის და გავჩერდი საყდრისზე. მე მას ყოველთვის ვაღიარებდი და ვაღიარებ. საყდრისზე დღეს ყველა კითხვის ნიშანი მოხსნილია. მადლობა ღმერთს იქნება მუზეუმი, რაც იქნება ძალიან ბევრი ადამიანის წვალების მტკიცებულება, რომ საქართველოში საკაცობრიო მნიშვნელობის ძეგლს ვიცავდით და ვიამაყებთ მისით.
p.s.3 – გადავშალე ახალი ფურცელი
p.s. 4 – მაინც არ წავალ პოლიტიკაში!", _ წერს მიქანაძე საკუთარი "ფეისბუკის" გვერდზე.
