დიდი მადლობა თითოეულ თქვენგანს. მადლობა იმისთვის, რომ მონაწილეობა მიიღეთ არჩევნებში. მადლობა იმისთვის, რომ არ დაიზარეთ საარჩენო ყუთთან დაგეფიქისრებინათ თქვენი პოზიცია და უპრეცედენტოდ დემოკრატიულ გარემოში, ხმა მიგეცათ ჩვენი ქვეყნის კეთილდღეობისთვის.
მადლობა მათაც, ვინც ჩემს კონკურენტებს მისცა ხმა. ეს თქვენი უფლებაა. ბოლო ოთხ წელიწადში "ქართული ოცნების" გუნდმა შეძლო ისეთი გარემოს შექმნა, სადაც ადამიანები არ იყოფა ჩვენიანებად და სხვისიანებად. სადაც აზრის გამოხატვისთვის არავის ავიწროვებენ. სადაც მთელმა საარჩევნო პერიოდმა პროგრამების ჭიდილში ჩაიარა და არა ურთიერთდაპირისპირებაში.
ვისზე გააკეთებთ არჩევანს, ეს თქვენი გადასაწყვეტია, მაგრამ, 30 ოქტომბერს, სანამ კიდევ ერთხელ გამოხატავთ თქვენს ნებას, კარგად უნდა დაფიქრდეთ, ვინ უფრო შეძლებს იმ პრობლემების მოგვარებას, რომლებიც, დიდი ძალისხმევის მიუხედავად, ჯერ ისევ მრავლადაა ჩვენს გურიაში? ვინ უფრო მიიტანს თქვენს სათქმელს ადგილობრივ, საკანონმდებლო თუ აღმასრულებელ ხელისუფლებაში? ვის უფრო შესტკივა თქვენზე გული და ვინ უფრო მეტ სიკეთეს მოუტანს რეგიონსა და ქვეყანას?
მე ყველა თქვენგანის მაჟორიტარი უნდა გავხდე _ ვინც მე დამიჭირა მხარი, ვინც ჩემს მოწინააღმდეგეს და ვინც საერთოდ არ მოვიდა არჩევნებზე. ჩვენ ერთად უნდა გავაკეთოთ ყველაფერი, რომ არ დავკარგოთ თავისუფლება და ქვეყანა სტაბილურად განვითარდეს. ჩვენ ერთად უნდა შევქმნათ მომავალი, ჩვენთვის, ჩვენი მშობლებისთვის და ჩვენი მომავალი თაობისთვის.
30 ოქტომბერი არის დღე, როცა ერთ ხმასაც კი გადამწყვეტი მნიშვნელობა შეიძლება ჰქონდეს. ამიტომ, პირველ რიგში, კიდევ ერთხელ უნდა ვიაქტიუროთ. კიდევ ერთხელ უნდა დავამყაროთ გურული რეკორდი და ვაჩვენოთ საქართველოს ყველაზე მაღალი აქტივობა.
ფაქტია, რომ "ქართული ოცნება" ხელისუფლებაში საკონსტიტუციო უმრავლესობით მოდის. ეს ნიშნავს იმას, რომ ჩვენ ვეღარაფერი შეგვიშლის ხელს, ვაკეთოთ კეთილი საქმეები, აღვადგინოთ სამართლიანობა, ქვეყანა გავხადოთ უფრო მეტად დემოკრატიული და თავისუფალი.
თუმცა, ბრძოლა ჯერ არ დასრულებულა.
მიუხედავად დიდი მხარდაჭერისა, არ უნდა მოვდუნდეთ და არ ვიფიქროთ, რომ ჩვენი ხმა არაფერს შეცვლის.
30 ოქტომბერს აუცილებლად უნდა მივიდეთ არჩევნებზე…
ახლა თქვენი და თქვენი ოჯახის თითოეული წევრის ხელშია გურიის მომავალი.
როგორც ყველას, მთელ თქვენს ოჯახსაც გურულად გეტყვით – არ დეიზაროთ!
თქვენი ხმა ჩვენი გამარჯვების გარანტია…
კიდევ ერთხელ დიდი მადლობა ყველას!
დიდი სიყვარულითა და
პატივისცემით,
ნინო წილოსანი,
ლანჩხუთისა და ჩოხატაურის
მაჟორიტარობის კანდიდატი
ფასიანი პოლიტიკური რეკლამა
