BBC-ის ინფორმაციით, დიდი ბრიტანეთის თავდაცვის მდივანი, მაიკლ ფალონე აცხადებს, რომ ჩრდილო ატლანტიკური ალიანსის წევრებმა კიბერ თავდაცვა უნდა გააძლიერონ, რადგან რუსეთი დასავლეთის დემოკრატიასა და კრეატიულ ინფრასტრუქტურაზე უწყვეტ კიბერ თავდასხმებს ახორციელებს.
მისი თქმით, მოსკოვი ცდილობს დეზინფორმაციის გავრცელებით დასავლეთის ქვეყნები და ნატო დაასუსტოს.
დიდი ბრიტანეთის თავდაცვის მდივანი ასევე ამბობს, რომ ვლადიმერ პუტინმა აირჩია გახდეს დასავლეთის სტრატეგიული კონკურენტი.
"ნატომ ისევე უნდა იზრუნოს კიბერ სივრცის დასაცავად, როგორც ამას ჰაერში, ხმელეთსა თუ ზღვაში ცდილობს“,_აცხადებს ფალონე.
მისივე თქმით, რუსეთი ალიანსის დასუსტებას ცდილობს.
"რუსეთი ნათლად ცდილობს გამოსცადოს ნატო და დასავლეთი. ის ცდილობს გავლენა გააფართოოს, ქვეყნებში დესტაბილიზაცია გამოიწვიოს და ალიანსი დაასუსტოს", _ აცხადებს ფალონე.
მაუწყებლის ინფორმაციით, დიდი ბრიტანეთის თავდაცვის მდივანმა ამის შესახებ წმინდა ანდრიას სახელობის უნივერსიტეტში გამართულ შეხვედრაზე რამდენიმე საათით ადრე განაცხადა, ვიდრე მალტაში გამართულ არაფორმალურ სამიტზე ქვეყნის პრემიერ-მინისტრი, ტერეზა მეი, ევროკავშირისა და ნატოს წევრი ქვეყნების მიერ თავდაცვის ხარჯების გაზრდას ხმას მისცემდა.
როგორც ცნობილია, რუსეთი კიბერ თავდასხმებთან კავშირს უარყოფს.
