ტორონტოს უნივერსიტეტის მკვლევარებმა წარმოადგინეს იმ მიზეზების ჩამონათვალი, რომელთა გამოც ყველაზე ხშირად ეჩხუბებიან ქალები მეუღლეებსა და შვილებს.
ბევრ ადამიანს ქალების გაღიზიანების ეს მიზეზები შეიძლება ეჩვენოს სასაცილოდ და სულელურად”, – ამბობს კეტრინ კროუფორდი, გამოკვლევების ხელმძღვანელი – „მაგრამ მათ ავიწყდებათ, რომ ხშირად ქალებს ოჯახში აკისრიათ არა მარტო ცოლის და დედის ფუნქცია, არამედ დამლაგებლისა და მზარეულისაც.“
ოჯახებში იქნებოდა გაცილებით უკეთესი სიტუაცია, ბავშვები და მამები ყურადღებას რომ აქცევდნენ ისეთ, ერთი შეხედვით, წვრილმანებს, რასაც ბოლოს სიტუაციის დაძაბვა მოჰყვება ხოლმე. 3 ათასი ქალის გამოკითხვამ დაადგინა, რომ არსებობს 7 ბანალური მიზეზი, რის გამოც ქალს კონფლიქტი აქვს შინაურებთან:
მთელ სახლში მიმოფანტული ტანსაცმელი.
სველი პირსახოცი.
კბილის პასტის ნარჩენები პირსაბნის ნიჟარაში.
გადავსებული ნაგვის ბაკი.
ტუალეტის ქაღალდის არარსებობა.
თავახდილი უნიტაზი.
დიდი რაოდენობით ჭუჭყიანი ჭურჭელი.
ექსპერტები დაბეჯითებით ურჩევენ ოჯახებს, რომლებიც მსგავს პრობლემებს აწყდებიან, გადახედონ თავიანთ პოზიციებს და გაინაწილონ საოჯახო ფუნქციები ერთმანეთში. გასათვალისწინებელია ის გარემოება, რომ ქალების უკმაყოფილების მიზეზი ძირითადად მდგომარეობს არა ბინის დასუფთავებისა და მოწესრიგების მარტივსა და იოლ ოპერაციებში, არამედ უპატივცემულობაში იმ ადამიანის მიმართ, ვინც მზრუნველობას არ აკლებს ყველა დანარჩენს და უქმნის მათ სუფთა, მყუდრო და კომფორტული ცხოვრების პირობებს.
