საფრანგეთში “მაღალი ტექნოლოგიით” აგებული ახალი სასტუმროს ნომერი დღე-ღამეში 700 დოლარი ღირს.
ცნობილი დიზაინერის, სტეფან დიუმას მიერ შექმნილი ორიგინალური ნაგებობა ერთმანეთთან შეერთებული დიდი სფეროებია, რამდენიმე “ოთახის” ზედა ნაწილი კი სრულიად გამჭვირვალე.
პირადი ჰიგიენისთვის განკუთვნილი სექტორები დახურულია.
დიზაინერის აზრით, სასტუმროს ხიბლი “ვარსკვლავიანი ცაა”, მაგრამ კრიტიკოსთა მტკიცებით, ნომრები სინამდვილეში “ექსჰიბიციონიზმისკენ ფარული ან აშკარა მიდრეკილების მქონე ადამიანებზეა” ნაანგარიშები.
ჩანს, ასეთები (ყოველ შემთხვევაში, საფრანგეთში) ბლომად არიან, რადგან გამჭვირვალე სასტუმროში მოსახვედრად უკვე უზარმაზარი რიგებია.
