ქერათმიანი
კეთილი, რბილი ხასიათის, მეოცნებე, მელანქოლიური ადამიანია. სიყვარულში ერთგულია. ნებისმიერ წვრილმანზე შეუძლია იტიროს, ოსტატურად ცრუობს. მუშაობით მაინცდამაინც თავს არ იკლავს, მაგრამ თუ კარგი კოლეგა შეხვდა, მისი მიბაძვით, თავადაც კარგი თანამშრომელი იქნება. სენტიმენტალურია. ფერებიდან უპირატესობას ვარდისფერს, სალათისფერსა და ცისფერს ანიჭებს. მეოცნებეა, ხშირად ღრუბლებში დაფრინავს, მაგრამ თუ მიზანი დაისახა, ნებისმიერი ხერხით მის მიღწევას შეეცდება.
ჟღალთმიანი
ჯიუტი და თავმოყვარეა. უყვარს სარკასტული გამონათქვამები. მისდევს სპორტს და საკუთარი უპირატესობის დასამტკიცებლად ზოგჯერ მამაკაცებსაც კი ეჯიბრება. ნებისმიერ საქმიანობაში ლიდერის თვისებებს ავლენს, საუკეთესო მძღოლი და თანამშრომელია. შრომისმოყვარეა და წარმატებებს ნებისმიერ სფეროში აღწევს. რაც შეეხება ოვალური სახის ფორმის მქონეს, ის მეოცნებეა, ასეთი სახე პოეზიის მოყვარულ ქალს აქვს, ლექსებს თავადაც წერს. ხშირად რისკავს და დაუფიქრებლად მოქმედებს. ჟღალთმიანებს უყვართ ცხოველები (განსაკუთრებით ცხენები და ძაღლები) და ფრინველები. ფერებიდან უპირატესობას ცისფერს, ფორთოხლისფერს, მწვანესა და შავს ანიჭებენ.
შავთმიანი
ძლიერი, სერიოზული და ჭკვიანი ქალია. სამსახურში ლიდერის ან ხელმძღვანელის თანამდებობა უკავია. საუკეთესოდ ერკვევა პოლიტიკაში. ყველაზე რთულ პროექტებსაც კი დამოუკიდებლად ახორციელებს. თეთრი პირსახის, შავთმიანი ქალი კარგი დიასახლისი და მეოჯახეა . სიყვარულისთვის მსხვერპლის გაღება შეუძლია, მაგრამ ქორწინებას არ ჩქარობს. მკაცრად და გემოვნებით აცვია. უყვარს შავი, თეთრი და წითელი ფერები.
წაბლისფერთმიანი
მხიარული და ნიჭიერი ქალია. უყვარს მოგზაურობა, ზედმეტად კომუნიკაბელურია და მეგობრებს ადვილად იძენს, მაგრამ საკუთარ გრძნობებზე ლაპარაკი არ უყვარს. ყველაფერს სწრაფად ითვისებს. შრომისმოყვარე და გაწონასწორებულია. ზრუნავს ჯანმრთელობაზე, ვარჯიშობს და დიეტას იცავს. მუქთვალება, წაბლისფერთმიან ქალს ტექნიკური საგნები და პროფესია იზიდავს, ცისფერთვალებას – ჰუმანიტარული.
