სახალხო დამცველმა შპს ,,ფრესკოს“ სექსუალური შევიწროებით გამოხატული სქესის ნიშნით დისკრიმინაციის დადგენის თაობაზე რეკომენდაციით მიმართა.
სახალხო დამცველმა, საკუთარი ინიციატივით, სუპერმარკეტების ქსელ ,,ფრესკოს“ ქალებისთვის განკუთვნილ გასახდელში ფარული კამერების არსებობის ფაქტის შესწავლა დაიწყო. აღნიშნულ ფაქტთან დაკავშირებით, სახალხო დამცველმა უჩა ნანუაშვილმა, სპეციალურ განცხადება გააკეთა.
მისი განმარტებით, არსებული პრაქტიკა დასაქმებულ ქალებს უქმნის შეურაცხმყოფელ და დამამცირებელ გარემოს, გაუმართლებლად ახდენს მათი პირადი სივრცის კონტროლს და უხეშად ერევა ინტიმურ სფეროში.
,,გამოსაცვლელ ოთახში, სამუშაო ადგილზე, სხვა ოთახებიდან თუ საერთო სივრცისგან გამოყოფილია იმ მიზნით, რომ დაცული იქნეს ინდივიდის ინტიმური სფერო და არ მოხდეს მისი ნების საწინააღმდეგოდ სხეულის სრულად თუ ნაწილობრივ წარმოჩენა სხვა პირების თანდასწრებით, მათი სქესის მიუხედავად. აღნიშნულის შესაძლებლობა კი არ ჰქონდა შპს ,,ფრესკოში“ დასაქმებულ ქალებს, ვინაიდან ხდებოდა მათი თითოეული მოქმედების კონტროლი სამუშაო ადგილზე ყოფნის პერიოდში.
კოპანიის წამომადგენლებმა სახალხო დამცველის აპარატს განუმარტეს, რომ ვიდეოკამერები მხოლოდ ქალი დასაქმებულების გამოსაცვლელ ოთახებში იყო დამონტაჟებული, უსაფრთხოების ნორმების დაცვის მიზნით.
სახალხო დამცველი მიიჩნევს, რომ არსებული პრაქტიკა დასაქმებულ ქალებს უქმნიდა შეურაცხმყოფელ და დამამცირებელ გარემოს, გაუმართლებლად ახდენდა მათი პირადი სივრცის კონტროლს და უხეშად ერეოდა ინტიმურ სფეროში. კომპანიის მიერ დასახელებული მიზანი ვერ იქნება მიჩნეული ლეგიტიმურად, ვინაიდან, არსებული პრაქტიკა დასაქმებულ ქალებს უქმნიდა შეურაცხმყოფელ და დამამცირებელ გარემოს, გაუმართლებლად ახდენდა მათი პირადი სივრცის კონტროლს და უხეშად ერეოდა ინტიმურ სფეროში. კომპანიის მსგავსი მიდგომა კი წარმოაჩენს ქალი თანამშრომლების მიმართ უპატივცემულო, ღირსების შემლახველ დამოკიდებულებას, რომელიც არაჯანსაღ სამუშაო გარემოს ქმნის და აძლიერებს გენდერულ უთანასწორობას.
სახალხო დამცველის აპარატმა დაადგინა, რომ შპს ,,ფრესკოს“ მხრიდან ქალი დასაქმებულების მიმართ ადგილი ჰქონდა სექსუალურ შევიწროვებით გამოხატული სქესის ნიშნით დისკირიმინაციას და მოუწოდა კომპანიას, რომ დასაქმებულ პირებს შეუქმნას ადამიანის ღირსებისათვის შესაბამისი სამუშაო გარემო“, _ ნათქვამია სახალხო დამცველის უჩა ნანუაშვილის განაცხადებაში ფრესკოს ყოფილი თანამშრომლების განმარტებით კი, ქალის გასახდელ ოთხაში, ისევ სისტემატურად მიმდინარეობს ვიდეომონიტრინგი.
,,სუპერმარკეტის ყველა ფილიალის გასახდელ ოთახებში მიმდინარეობს ვიდეო მონიტორინგი, აღნიშნულ ოთახებში შესვლა შეუძლია მამაკაცებს, ადმინისტრაციის ნებისმიერ წამომადგენელს, მათ შორის დაცვის უფროს დავით ბულიას და მის მოადგილეს ალექსანდრე ქაჩიბაიას, რომელთაც წვდომა აქვთ ვიდეო ჩანაწერებზე, ხელმძღვანელი პირების სამსახურში არ ყოფნის დროს მონიტროინგი, საცხოვრებელი სახლიდანაც მიმდინარეობს“, _ ნათქვამია, ფრესკოს ყოფილი თანამშრომლების განცხადებაში.
,,გურია ნიუსი“ აღნიშნულ საკითხთან დაკავშირებით, ფრესკოს დაუკავშირდა, თუმცა, ამ დრომდე მათგან კომენტარის მიღება ვერ მოხერხდა. ჩვენ ისევ შევეცდებით დავუკავშირდეთ ფრესკოს და მათ პასუხს მიღებისთანავე შემოგთავაზებთ.
შპს ,,ფრესკოს“, ქალი თანამშრომლებისთვის განკუთვნილ გამოსაცვლელ ოთახებში ვიდეოთვალთვალის ქესების დარღვევისთავის, პერსონალურ მონაცემეთა დაცვის ინსპექტორმა დააკისრა ადმინისტრაციულ პასუხისმგებლობა და დაავალა, ვიდეოთვალთვალის გახორციელების შეწყვეტა, ასევე, მოპოვებული ჩანაწერების განადგურება.
