კომპანია ,,მაგთიკომმა“ 5 იანვარს გაავრცელა განცხადება, მომსახურების ტარიფების ზრდასთან დაკავშირებით, რომლის მიზეზად დაასახელა, რთულ პირობებში ოპერირება, სახელმწიფო საკუთრებაში არსებული ტერიტორიის იჯარის მაღალი გადასახადი, ვალუტის კურსის ცვლა, ინფლაცია და დენის ტარიფების ცვლილებები, რომლებიც პირდაპირ აისახა კომპანიის დანახარჯებზე.
მათივე, განმარტებით, ქვეყანაში მობილურ მომსახურეობაზე საკმაოდ დაბალი ტარიფებია, შესაბამისად, კომპანიის მიერ მობილური ინტერნეტის მიწოდების ხარჯი და მომსახურებისგან მიღებული შემოსავალი ვერ აბალანსებს ერთმანეთს, აქედან გამომდინარე იზღუდება როგორც კომპანიის, ისე ქვეყნის ტექნოლოგიური წინსვლა.
აღნიშნული მიზეზების გათვალისწინებით საჭიროა ტარიფები იყოს ადეკვატური, როგორც ყველა განვითარებულ ქვენაში და სრულ შესაბამისობაში მოდიოდეს მოქმედ კანონმდებლობასთან.
მაგთიკომის ამ განცხადებამ, საზოგადოებაში დიდი ვნებათაღელვა და უკმაყოფილება გამოიწვია, მოსახლეობის განცხადებით, ისედაც მაღალი გადასახადების პირობებში, კიდევ მობილური ოპერატორების მხრიდან ტარიფების ზრდა, მოსახლეობისთვის რთული გადასახდელია. კომპანიები ცდილობენ ხალხის ხარჯზე გამდიდრებას, მაგრამ არ ფიქრობენ მოსახლეობის ეკონომიკურ მდგომარეობაზე.
ეკონომიკისა და მდგარადი განვითარების სამინისტროში ,,გურია ნიუსთან“ საუბრისას აღნიშნეს რომ, მიმდინარეს წლის 1 იანვრიდან გაუქმდა მობილურ სატელეკომუნიკაციო მომსახურეობაზე დაკისრებული აქციზის გადასახადი. მთავრობის მიერ, კომუნიკაციების ეროვნულ კომისიასთან გადაიდგა რიგი ნაბიჯები, სატელეკომუნიკაციო მომსახურეობის ხელმისაწვდომობის გაზრდის და საცალო ტარიფების კლების ხელშესაწყობად.
,,საქართველოს მთავრობის გადაწვეტილებით, ბოლო წლების განმავლობაში მნიშვნელოვანი ნაბიჯები გადაიდგა სატელეკომუნიკაციო ბაზარზე მოქმედი, მათ შორის, მობილურ ბაზარზე მოქმედი კომპანიების ხელშეწყობის მიზნით. პერმანენტულად მცირდება და მიმდინარეს წლის 1 იანვრიდან გაუქმდა მობილურ სატელეკომუნიკაციო მომსახურეობაზე დაკისრებული აქციზის გადასახადი. მთავრობის მიერ, კომუნიკაციების ეროვნულ კომისიასთან გადაიდგა რიგი ნაბიჯები, სატელეკომუნიკაციო მომსახურეობის ხელმისაწვდომობის გაზრდის და საცალო ტარიფების კლების ხელშესაწყობად. ყოველივე აღნიშნულიდან გამომდინარე, ეკონომიკისა და მდგრადი განვითარების სამინისტრო არ ეთანხმება კომპანია ,,მაგთიკომის“ მიერ მოტანილ არგუმენტებს კომპანიის მიერ მობილური ინტერნეტის საცალო ტარიფების ზრდასთან დაკავშირებით და მიიჩნევს , რომ კომპანიის განცხადებაში მოყვანილი მიზეზები შესაძლოა არ ასახავდეს მობილური ინტერნეტის ტარიფების გაძვირების რეალურ მიზეზებს.“ – ნათქვამია უწყების განცხადებაში
მათივე განმარტებით, სამინისტრომ, კომუნიკაციების ეროვნულ კომისიისგან გამოითხოვა ინფორმაცია, თუ რა წილი უკავია კომპანიის მიერ დასახელებულ მიზეზებს ტარიფების ზრდაში.
აღნიშნულ საკითხთან დაკავშირებით, ,,გურია მიუსი“ კომუნიკაციების ეროვნული კომისიის დაუკავშირდა, სადაც სატელეკომუნიკაციო ბაზრის რეგულირების დეპარტამენტის უფროსმა დავით გოგიჩაიშვილმა განმარტა, კომუნიკაციების ეროვნული კომისიისა და მთავრობის ერთობლივი მუშაობის შედეგად, მიღებულ იქნა ისეთი გადაწყვეტილებები, რომლის მიხედვითაც მობილურ სატელეკომუნიკაციო კომპანიებს ხარჯები მნიშვნელოვნად შეუმცირდათ.
,,შპს „მაგთიკომის“ მიერ მობილური ინტერნეტის მომსახურებაზე დადგენილი ტარიფის გაძვირება საბაზრო კანონზომიერების ფარგლებს სცილდება. კომისია აღნიშნავს, რომ ამ ეტაპზე აღნიშნული ქმედების წინაპირობა არ არსებობდა რამდენიმე მნიშვნელოვანი მიზეზის გათვალისწინებით, მათ შორის: 2018 წლიდან შპს „კავკასუს ონლაინმა“ შპს „მაგთიკომს“ საბითუმო ინტერნეტის მომსახურებაზე ტარიფი გაუნახევრა; საქართველოს მთავრობის გადაწყვეტილებით, უკანასკნელი წლების განმავლობაში, მობილურ სატელეკომუნიკაციო მომსახურებაზე დაკისრებული აქციზის გადასახადი მნიშვნელოვნად შემცირდა, ხოლო 2018 წლის პირველი იანვრიდან გაუქმდა; საქართველოს კომუნიკაციების ეროვნული კომისიისა და საქართველოს მთავრობის ერთობლივი მუშაობის შედეგად, მიღებულ იქნა ისეთი გადაწყვეტილებები, რომლის მიხედვითაც მობილურ სატელეკომუნიკაციო კომპანიებს ხარჯები მნიშვნელოვნად შეუმცირდათ. სახელმწიფოს მხრიდან განხორციელებული ღონისძიებები მიზნად ისახავდა აბონენტებისთვის ინტერნეტ მომსახურებაზე ხელსაყრელი პირობების შექმნას როგორც სატარიფო, ასევე ხელმისაწვდომობის კუთხით.“ – განაცხადა დავით გოგიჩაიშვილმა.
მან, ასევე ,,გურია ნიუსთან“ საუბარში აღნიშნა რომ, შპს ,,მაგთიკომის“ მხრიდან, შესაძლოა ქონდეს სუბსიდირებას. კომპანიამ, შეიძლება ტარიფების გაძვირებით, დააფინანსოს (ან უკვე აფინანსებდეს) მის მიერ თვითღირებულებაზე უფრო დაბალი ფასით მომხმარებლებისთვის შეთავაზებული სხვადასხვა მომსახურებები.
,,კომისიის ვარაუდით, შესაძლოა ადგილი ჰქონდეს შპს „მაგთიკომის“ მხრიდან სუბსიდირების განზრახულობას. კერძოდ, აღნიშნულ მომსახურებაზე ტარიფების გაძვირებით, შესაძლოა შპს „მაგთიკომმა“ დააფინანსოს (ან უკვე აფინანსებდეს) მის მიერ თვითღირებულებაზე უფრო დაბალი ფასით მომხმარებლებისთვის შეთავაზებული სხვადასხვა მომსახურებები. აღნიშნულ საკითხში სრულყოფილად გარკვევის მიზნით, საქართველოს კომუნიკაციების ეროვნული კომისია მობილური ოპერატორის მიერ ტარიფების გაძვირების მიზეზებს შეისწავლის და, საჭიროების შემთხვევაში, „ელექტრონული კომუნიკაციების“ შესახებ საქართველოს კანონით დადგენილი სპეციფიკური ვალდებულებების გათვალისწინებით მიიღებს გადაწყვეტილებას“,- განმარტა სატელეკომუნიკაციო ბაზრის რეგულირების დეპარტამენტის უფროსმა დავით გოგიჩაიშვილმა.
