პანკისის ხეობაში საგამოძიებო ჯგუფი და ექსპერტები იმყოფებიან. სპეციალისტები თემირლან მაჩალიკაშვილის ოჯახის ადვოკატთან ერთად იმ ოთახს ათვალიერებენ, რომელშიც სპეცოპერაციის დროს 19 წლის ახალგაზრდის მიმართულებით გასროლა განხორციელდა.
დამოუკიდებელი ექსპერტის, ზაზა ალთუნაშვილის ინფორმაციით, ადგილზე დაცვის მხარის შუამდგომლობით ჩავიდნენ.
ალთუნაშვილის თქმით, შემთხვევის ადგილის ხელახალი შესწავლა კი საქმის მასალების გაცნობის შემდეგ გახდა აუცილებელი.
მისივე განცხადებით, საქმეში არსებული ფრაგმენტები არ იძლევა ტყვიის იდენტიფიცირების საშუალებას.
თემირლან მაჩალიკაშვილი პანკისში ჩატარებული სპეცოპერაციის დროს სპეცრაზმელის ტყვიამ იმსხვერპლა.
სუს-ის ინფორმაციით, 19 წლის ახალგაზრდას ხელყუმბარა ჰქონდა, რის გამოც, გახდა საჭირო სროლა.
