წინასწარი პატიმრობა ორგანიზებული ნარკოდანაშაულისთვის – თბილისის საქალაქო სასამართლომ ირაკლი ქორიძის მიმართ პროკურატურის მოთხოვნა დააკმაყოფილა და ბრალდებულს აღკვეთის ღონისძიების სახით წინასწარი პატიმრობა შეუფარდა.
შეგახსენებთ, რომ გასულ წელს, თურქეთიდან რეანომობილით უკანონოდ შემოტანილი ნარკოტიკული საშუალების 900 აბის საქმეზე საქმის ორგანიზატორი, კრიმინალური პოლიციის თანამშრომლებმა ცნობილი ექიმების ოჯახის წევრი, ირაკლი ქორიძე 2 დღის წინ დააკავეს. შსს-ის ცნობით, ქორიძემ განსაკუთრებით დიდი ოდენობის ნარკოტიკის საზღვარზე უკანონოდ გადმოსატანად გეგმა წინასწარ შეიმუშავა.
900 აბი ნარკოტიკის საქართველოში შემოტანის სქემაში მონაწილეობისთვის ბრალს მსახიობ გიორგი გიორგანაშვილს, იგივე „ბახალასაც“ წარუდგენენ. გამოძიების ინფორმაციით, სწორედ მას უნდა გადაეცა თურქეთის ტერიტორიაზე ჯგუფის მესამე წევრისთვის წინასწარ შეძენილი ნარკოტიკი
ბრალის დამტკიცების შემთხვევაში სასჯელი სამუდამო პატიმრობას ითვალისწინებს.
