აგვისტოს ომის 10 წლისთავთან დაკავშირებით, გურიაში, მხარისა და ადგილობრივი ხელისუფლების წარმომადგენლებმა, საქართველოს ტერიტორიული მთლიანობისთვის დაღუპული მებრძოლთა მემორიალი და აგვისტოს ომში დაღუპულთა გმირების საფლავები გვირგვინით შეამკეს და მათ ხსოვნას პატივი მიაგეს.
გურიის გუბერნატორი, მერაბ ჭანუყვაძე: „ 2008 წლის აგვისტოს ომიდან 10 წელი გავიდა. რუსულ აგრესიას ბევრი ქართველი შეეწირა, მათ შორის გურიიდან ცხრა ჯარისკაცი. დღეს, ჩვენ პატივი მივაგეთ, იმ გმირების ხსოვნას, რომლებიც ბოლომდე იცავდნენ საკუთარი ქვეყნის ღირსებას. სწორედ ასეთი გმირების მხრებზე დგას ჩვენი ქვეყანა. ქედს ვიხრი მათი სულისა და ოჯახების წინაშე“.
გურიის რეგიონში 2008 წლის აგვისტოს მოვლენებს 9 ადამიანი ემსხვერპლა. ოზურგეთიდან – თეიმურაზ ჭიტაძე, თამაზ ნიკიტინი, ზაურ თენიეშვილი. ჩოხატაურიდან – მერაბ ახობაძე, ფილიპე მგალობლიშვილი, მურთაზ ირემაძე. ლანჩხუთიდან – ემზარ წილოსანი, რუსლან წულაძე, ვასილ სმირნოვი. ომში დაღუპულთა ოჯახებს სამივე მუნიციპალიტეტის ხელმძღვანელობამ ფულადი დახმარება გაუწია. (R)
