პროექტი ხორციელდება ევროკავშირის მიერ დაფინანსებული პროექტის „საქართველო ევროპულ გზაზე: DCFTA-ისა და მცირე და საშუალო საწარმოების სტრატეგიის იმპლემენტაციისთვის ეფექტური მოდელის შექმნა“ ფარგლებში და ითვალისწინებს ღრმა და ყოვლისმომცველი თავისუფალი სავაჭრო სივრცის შესახებ ცნობიერების ამაღლებას.
ღრმა და ყოვლისმომცველი თავისუფალი სავაჭრო სივრცის შესახებ შეთანხმება (DCFTA) წარმოადგენს საქართველოსა და ევროკავშირს შორის ასოცირების შესახებ შეთანხმების (AA) ნაწილს. DCFTA შესაძლებლობას აძლევს ქართველ მეწარმეებს გაყიდონ თავიანთი სერვისები და საქონელი ევროკავშირში − ერთ-ერთ უდიდეს გლობალურ ბაზარზე − ტარიფებისა და სხვა ბარიერების გარეშე.
საქართველოს საგარეო ვაჭრობის (როგორც ექსპორტის, ისე იმპორტის) მნიშვნელოვანი წილი ევროკავშირის წევრ სახელმწიფოებზე მოდის და თანდათან იზრდება, როგორც მოცულობის, ისე ხარისხის მხრივ.
DCFTA იძლევა საშუალებას, თავიდან ავიცილოთ იმპორტის გადასახადი, თუკი მოხდება გარკვეული წინაპირობების დაკმაყოფილება . იმისათვის რომ კომპანიაზე გავრცელდეს პრეფერენციული წარმოშობის წესები და კომპანიამ ისარგებლოს არსებული შესაძლებლობით, მან გარკვევით უნდა დაამტკიცოს, რომ მის მიერ ევროკავშირში შესატანი საქონელი ნამდვილად საქართველოშია წარმოშობილი.
საქონელი მთლიანად უნდა იყოს მოპოვებული საქართველოში; საქონელი არ არის მთლიანად საქართველოში წარმოებული, მაგრამ მისი წარმოებისთვის გამოყენებული მასალა საკმარისი დოზით საქართველოს ტერტორიაზე დამუშავდა.
რა სერთიფიკატები გვჭირდება იმისთვის რომ შევძლოს ევროკავშირის ბაზარზე გავიტანოთ ჩვენი პროდუქცია:
საქონლის წარმოშობის სერტიფიკატი _ საქონლის წარმოშობის სერტიფიკატი არის საქონლის აღწერის განსაზღვრული ფორმის დოკუმენტი, რომლითაც მისი გაცემისათვის უფლებამოსილი ორგანო ერთმნიშვნელოვნად ადასტურებს, რომ საქონელი, რომელზეც გაცემულია ეს სერტიფიკატი, წარმოშობილია მოცემული ქვეყნიდან.საქონლის წარმოშობის სერთიფიკატს გასცემს შემოსავლების სამსახური rs.ge-ზე, ამ სერთიფიკატის მოთხოვნა შესაძლებელია საქართველოს საბაჟო დეპარტამენტში , ასევე საბაჟო დეპარტამენტის სხვა სტრუქტურულ ერთეულებში ელექტრონულადაც 4 სამუშაო დღის ვადაში. სერთიფიკატი ძალაშია მისი გაცემიდან 4 თვის ვადაში.
შესაბამისობის შეფასება (სერტიფიკაცია) _ შესაბამისობის შეფასება არის პროცესი, რომელიც მოიცავს ევროკავშირის დირექტივას/სტანდარტსა და მომსახურებას/პროდუქტს შორის შესაბამისობის დადგენას. შესაბამისობის დადგენის შემდეგ გაიცემა სერტიფიკატი. www.gac.gov.ge
ექსპორტის დროს გამოსაყენებელი ვეტერინარული სერტიფიკატები. სერტიფიკატს გასცემს:
საჯარო სამართლის იურიდიული პირი _ სურსათის ეროვნული სააგენტო
საქართველოს საგადასახადო კოდექსით განსაზღვრულ კონტროლის ზონებში საჯარო სამართლის იურიდიული პირი – შემოსავლების სამსახური, გარდა იმ შემთხვევებისა, როდესაც სერტიფიკატის გაცემისათვის აუცილებელია:
- ცხოველების კარანტინში განთავსება
- ნიმუშების აღება ანალიზისათვის
ფიტოსანიტარიულ სერტიფიკატს/რეექსპორტის ფიტოსანიტარიულ სერტიფიკატს გასცემს:
საჯარო სამართლის იურიდიული პირი – სურსათის ეროვნული სააგენტო.
საქართველოს საგადასახადო კოდექსით განსაზღვრულ კონტროლის ზონებში საჯარო სამართლის იურიდიული პირი – შემოსავლების სამსახური, გარდა იმ შემთხვევებისა, როდესაც სერტიფიკატის გაცემისათვის აუცილებელია:
- ნიმუშის აღება ანალიზისათვის
- დამუშავება
ISO (International Organization for Standardization) სტანდარტიზაციის საერთაშორისო ორგანიზაციას ნიშნავს. ISO 9001 ISO 9000-ის სტანდარტების სერიაში შედის. ეს არის საერთაშორისო სტანდარტები, რომელიც ორგანიზაციისა და საწარმოს ხარისხის მენეჯმენტის სისტემისადმი მოთხოვნებს აღწერს.
HACCP _ თუ საწარმოში არ არის ყველა პირობა იმისათვის, რომ მოხდეს უვნებელი სურსათის წარმოება, მაშინ შესაძლებელი, GMP მოთხოვნა აღმოჩნდეს კრიტიკული საკონტროლო წერტილი, რაც იწვევს მთლიანი HACCP სისტემის გართულებას. რთული თვითკონტროლის სისტემა არის ძალიან არაეფექტური და საბოლოო ჯამში მისი გამოყენება შეუძლებელი ხდება. თუ ბიზნესოპერატორი არ გამოიყენებს სანიმუშო ჰიგიენისა და წარმოების პრაქტიკას, HACCP სისტემა იქნებაუვარგისი.
დამატებითი ინფორმაციისთვის მიმართეთ ვებ გვერდს www.dcfta.gov.ge
აღნიშნული პუბლიკაცია შექმნილია ევროკავშირის მხარდაჭერით. მის შინაარსზე სრულად პასუხისმგებელია კონტრაქტორი და არ ნიშნავს რომ იგი ასახავს ევროკავშირის შეხედულებებს.
(R)
