პირი, რომელმაც ეკა ბესელიას პირდი ცხოვრების კადრები პირველად ატვირთა სოციალურ ქსელ ფეისბუქში, ამჯერად ტექსტური სახით აგრძელებს დეპუტატის შესახებ ბინძური ინფორმაციის გავრცელებას.
ბოლო პოსტი ამ ადამიანს, რომლის ვინაობას ჩვენ შეგნებულად არ ვასახელებთ, 10 საათის წინ აქვს გამოქვეყნებული.
იგი საჯარო პოსტებში არ მალავს, რომ ფირები მან ატვირთა, სწუხს, რომ ვიდეოების გავრცელების საშუალება არ აქვს და ახლა ვიდეოს შინაარსს ტექსტურად ავრცელებს.
„მე დავდე ეგ კადრები პირველმა“, _ წერს იგი და აღნიშნავს, რომ შინაგან საქმეთა სამინისტრომ უდანაშაულო ადამიანები დააკავა:
„დაკავებულია უდანაშაულო პირები და ბრალს დებენ ოპოზიციასაც. ესეც ზღაპარია… იციან, ვინ ვარ მე ძან კარგად. მე მომთხოვონ პასუხი და ყველა შეკითხვას ამომწურავად და დამაკმაყოფილებლად გავცემ პასუხს“, _ აღნიშნულია მის ერთ-ერთ პოსტში და დასძენს, რომ ეს მისი „პირადულია“
აღსანიშნავია, რომ ეს ადამიანი პოსტებს წერას სხვა სოციალურ ქსელებშიც ახერხებს.
შინაგან საქმეთა სამინისტროში „გურია ნიუსს“ უთხრეს, რომ პირადი ცხოვრების ამსახველი კადრების გავრცელების საქმეზე გამოძიება ინტენსიურ რეჟიმში მიმდინარეობს.
უწყებაში გვითხრეს, რომ ვიდეო ფეისბუქს მალევე ააღებინეს და მისი გავრცელება ვერ მოხდება.
რაც შეეხება პირს, რომელმაც ფაილები თავდაპირველად ატვირთა და რომელიც ამ ინფორმაციას არც კი მალავს _ საგამოძიებო უწყების პრესსამსახურის თქმით, ამ საქმესთნ დაკავშირებით ინტენსიური საგამოძიებო მოქმედებები მიმდინარეობს.
შეგახსენებთ, რომ 1 თებერვალს შინაგან საქმეთა სამინისტრომ დააკავა 16 ადამიანი, რომლებიც, უწყების ცნობით, სოციალური ქსელისა და მობილური ინტერნეტაპლიკაციის მეშვეობით ინახავდნენ და მასობრივად ავრცელებდნენ პირადი ცხოვრების ამსახველ ვიდეოჩანაწერს.
იმავე დღეს, დააკავეს კიდევ ერთი პირი, რომელმაც რომელმაც პირადი ცხოვრების ამსახველი ვიდეოჩანაწერი „იუთუბზე“ (youtube) ატვირთა.
