პარლამენტარი ზვიად კვაჭანტირაძე პარლამენტის წინ განვითარებულ მოვლენებს ფეისბუქზე ეხმაურება.
“ზოგიერთ მეგობარს ვთხოვ, წინდაწინ, ვიდრე სათითაოდ მოგთაგავდეთ, თქვენს გულებში ჩაიხედეთ და გაეცით პასუხი საკუთარ თავს, მოგწონთ რაც ხდება ირგვლივ? მოგწონთ ხელისუფლება რომ ასე აბუჩად იგდებს და ატყუებს ყველას? პასუხისმგებლიანია ხელისუფლება, რომელიც არაფერს აღარ აკეთებს! არაფერს! ა რ ა ფ ე რ ს!
ნუ ატრიალებთ ამ მესიჯ-ბოქსებს და გუშინდელი საპროტესტო მიტინგის ფოტოს ზემოდან ქვემოთ წამდაუწუმ და ნუ გვამუნათებთ. ძალიან კარგად ვიცი, რასაც ვაკეთებ და ჩემ მაგივრად ნუ შეგრცხვებათ. ვისაც გგულისხმობთ ადვილად გამოიცნობთ საკუთარ თავს, თუ თქვენს კომენტარებს და კედლებს გადახედავთ.
ვიცი, რომ პირადად დავალებულები ხართ და ღმერთმა ყველას სასიკეთოდ შეგარგოთ ყველა სიკეთე. ყოველთვის თქვენს გვერდით ვიყავი, როდესაც გჭირდებოდით. (იძულებულს მხდით გაგახსენოთ).
თქვენ? თქვენ ერთხელ მაინც გქონიათ მცდელობა, გეკითხათ ჩემთვის, მაინც რატომ ვაკეთებ იმას, რასაც ვაკეთებ? ან რა გვიჭირს, რა გვილხინს?
ახლა დაინტერესდით, რატომ ვარ საპროტესტო აქციაზე? არც კი ვიფიქრებ, ვიმართლო ამისთვის თავი. ზუსტად ვიცი, რისთვის ვიბრძვი!!! მთელი ცხოვრება ვიბრძვი. ყველაფერს ჩემი შრომით მივაღწიე. არანაირი ტორპედო არ მყავდა ზურგში მომწოლი და არავინ მყავდა, ვის ხარჯზეც შევძლებდი უზრუნველად მეცხოვრა მთელი ცხოვრება. ყოველთვის მიყვარდა ადამიანებთან ურთიერთობა და ყველგან ვიჩენდი მეგობრებს და მიყვარდა ყოველთვის, როდესაც ოდნავ მაინც სიკეთეს გავაკეთებდი.
არასდროს შემშინებია არავის და ქედი არავისთვის მომიხრია.
არ შემიძლია, პირადი კომფორტის, 2000 ლარიანი ხელფასის, ვალების განულების და 3000 ლარიანი სტიპენდიების სანაცვლოდ ვერ გავხდები ვერავის მონამორჩილი!!! ვერასდროს!!! არასდროს გუნდრუკი არ მიკმევია არცერთი ხელისუფალისთვის. არცერთი და ამას არასდროს გავაკეთებ!!!! არასდროს ვიშურებდი არც შესაქებ სიტყვას, მაგრამ არასდროს ვაკლებდი არც კრიტიკას და არც ბრაზს არცერთ მათგანს.
ახლა თქვენზე ძალიან ვბრაზობ, მაგრამ თქვენი საქმის თქვენ იცით. მე მაინც მეყვარებით და
ღმერთი შეგინდობთ და მეც შეგინდობთ.
(თქვენგან არანაირი კომენტარი არ მჭირდება. წავშლი, ვისაც გეხებათ, რაც არ უნდა დაწეროთ“. – წერს ზვიად კვაჭანტირაძე.
