ქალთა უფლებების დაცვის ორგანიზაცია „საფარი“ საჯაროდ მიმართავს კახეთის საოლქო პროკურატურას მსხვერპლის დაზარალებულად ცნობისა და საქმის მასალებზე წვდომის მოთხოვნით.
ორგანიზაციის განცხადებით, საქმე საგარეჯოში კერძო კი იორმუღანლოს თემის სოფელ ლამბალოში მომხდარ შემთხვევას ეხება.
„საგარეჯოში, იორმუღანლოს თემის სოფელ ლამბალოში 15 წლის გოგონა სამმა პირმა მოიტაცა. იმავე საღამოს გოგონა დააბრუნეს, თუმცა ამ დრომდე არავინ დაუკავებიათ, ბავშვი კი დღემდე არ არის ცნობილი დაზარალებულად. ამის გამო “საფარი” მოკლებულია შესაძლებლობას გაეცნოს სისხლის სამართლის საქმის მასალებს.
მივმართავთ კახეთის საოლქო პროკურატურას და ვითხოვთ გოგონასთვის დაზარალებულის სტატუსის მინიჭებას,“_ ნათქვამია ორგანიზაციის განცხადებაში.
როგორც ცნობილია, შემთხვევა სოფელში რამდენიმე დღის წინ მოხდა.
როგორც speqtri.ge-ს სკოლის დირექტორმა დათო როსტომაშვილმა განუცხადა, გოგონა სახლიდან დილას გავიდა, დაახლოებით 150 მეტრის გავლის შემდეგ კი მოიტაცეს.
როსტომაშვილის ინფორმაციითვე, ბიჭის ბიძამ რომ გაიგო გოგონა არასრულწლოვანი იყო, სახლში თვითონვე დააბრუნა.
მომხდართან დაკავშირებით მიმდინარეობს გამოძიება.
