საქართველოში კორონავირუსისგან გამოჯანმრთელებულების რიცხვი შესაძლოა ხვალ გაიზარდოს. ამის შესახებ „იმედის დილის“ ეთერში ინფექციონისტმა ალექსანდრე გოგინავამ განაცხადა.
„დღეს და ხვალ, ამ მონაკვეთში დაახლოებით 2-3 ადამიანთან შეიძლება გვქონდეს უკვე 2 უარყოფითი პასუხი და გვყავდეს 2-3 სრულად გამოჯანმრთელებული ადამიანი. ხვალისთვის უკვე შეიძლება გვყავდეს რამდენიმე ადამიანი გამოჯანმრთელებული“, – განაცხადა ინფექციონისტმა.
მისივე თქმით, ინფექციურ საავადმყოფოში მყოფი 34 პაციენტის მდგომარეობა დინამიკაში არ გართულებულა, თუმცა 5 მათგანის მდგომარეობა მძიმეა.
