შაქარს იმუნური სისტემის შესუსტება შეუძლია. ამის შესახებ საუბარია CNET-ის მიერ გამოქვეყნებულ სტატიაში.
სტატიაში აღნიშნულია, რომ გარდა დიაბეტისა და გულის დაავადებებისა, შაქრის მოხმარება გავლენას ახდენს ორგანიზმის უნარზე ებრძოლოს ვირუსებს ან სხვა ინფექციებს.
კვლევის მიხედვით, დაახლოებით 75 გრამი შაქარი სჭირდება იმუნური სისტემის შესუსტებას.
მას შემდეგ, რაც თეთრი სისხლის უჯრედები ზიანდება, იმუნური სისტემა მცირდება. ეს იმას ნიშნავს, რომ ის ადამიანსაც კი, ვისაც 8 საათს სძინავს, იღებს დანამატებსა და ვარჯიშობს, შეიძლება სერიოზულად დაუზიანდეს იმუნური სისტემის ფუნქციონირება მთელი დღის განმავლობაში ტკბილეულის ან შაქრიანი დესერტების მირთმევის შემთხვევაში.
ეს გამოკვლევა გამოქვეყნდა 1970-იან წლებში, მაგრამ 2011 წლიდან ჩატარებული კიდევ ერთი გამოკვლევა გაფართოვდა წინა კვლევებზე და დაადგინა, რომ შაქარი, განსაკუთრებით ფრუქტოზა უარყოფითად მოქმედებს ვირუსებსა და ბაქტერიებზე ორგანიზმის იმუნურ რეაქციაზე.
აშშ-ს დაავადებათა პრევენციის ოფისი და ჯანმრთელობის მსოფლიო ორგანიზაცია ადამიანებს ურჩევენ, შაქრის მოხმარება შეზღუდონ არაუმეტეს ექვსი ჩაის კოვზამდე ან სულ 25 გრამი მიიღონ დღეში. ამ რაოდენობაში შედის შაქარი, რომელიც შეგიძლიათ დაამატოთ თქვენს ყავაში.
შაქრის შესამცირებლად ერთ-ერთი გზა სნეკებზე უარის თქმაა.
„გაუწყლოება, როგორც წესი, გვაფიქრებინებს რომ გვშია. მეტი წყლის მიღება ნიშნავს ნაკლები სნეკის მიღებას. იმ შემთხვევაში თუ ჩვეულებრივი სასმელი წყალი არ გიყვართ, შეგიძლიათ წყალს დაუმატოთ ლიმონის,მარწყვის, ფორთოხლის ნაჭრები“,_ ამბობს ჯანდაცვის სერტიფიცირებული მწვრთნელი, ჯიმ კურტისი.
სტატიაში აღნიშნულია ისიც, რომ დროა მიაქციოთ ყურადღება ეტიკეტებს. საკვები,რომელზეც ვერც კი იფიქრებდით შესაძლოა, შაქარს შეიცავდეს. მაგალითად, სუპები, სოუსები. შაქარს შეიცავს ასევე ე.წ. „ჯანსაღი“ საკვებიც.
სტრესის დროს ივარჯიშეთ, ეს ენდორფინების წარმოქმნას ხელს უწყობს და ბედნიერების განცდას გმატებთ. ვარჯიში დაგეხმარებათ ყურადღების გადატანაში.15-20 წუთის განმავლობაში ვარჯიშიც კი საკმარისია და ემოციების გასანადგურებლად საკვებს არ უნდა მიეძალოთ.
”შაქარი ხშირად კომფორტული საკვებია, რადგან სიამოვნების ცენტრებს ჩვენს ტვინში დაუყოვნებლივ ურტყამს, მაგრამ ეფექტი ხანმოკლეა, რაც გვაიძულებს უფრო და უფრო მეტი მივიღოთ ამ კმაყოფილების განცდისთვის“,_ განმარტა კურტისმა.
სტატიაში აღნიშნულია ისიც, რომ გემოვნება იცვლება იმის მიხედვით, თუ რას მიირთმევთ ხშირად.
შაქრის მოხმარების შემცირებისას არ შეგეშინდეთ რაციონში ისეთი საკვების დამატების, როგორიცაა ხილი ან ტკბილი კარტოფილი.
შესაძლოა დღეს უარი თქვათ კანფეტზე, დესერტზე, მაგრამ დროთა განმავლობაში აღმოაჩენთ, რომ ბუნებრივად ტკბილი საკვებით იკვებებით.
