პრეზიდენტ ბაიდენის განკარგულებით, ახალი 20–დოლარიანი ნომინალი მალე დაიბეჭდება და ჩაეშვება ხმარებაში.
ჰერიეთ თაბმანი იქნება მესამე ქალი, რომელიც ამერიკულ კუპიურაზე გამოისახება. პირველი ორი ქალი: მართა ვაშინგთონი და პოკაჰონტასი გახლდნენ. თუმცა, 1890 წლიდან ამ ქალბატონების გამოსახულებიანი დოლარების ბეჭდვა შეწყდა.
20-დოლარიან კუპიურაზე გამოსახული იქნება მონობაში დაბადებული აფრო-ამერიკელი აქტივისტი, რომელიც სამოქალაქო ომის დროს (1861-1865) მოკავშირეების რიგებში იბრძოდა და იყო ჯაშუში _ ჰერიეთ თაბმანს გამოჰქონდა სასარგებლო ინფორმაცია კონფედერატების რიგებიდან. ამ ინფორმაციებმა მოკავშირეებს მნიშვნელოვანი გამარჯვება მოუტანა. ის ასევე მუშაობდა ლაზარეთში და უვლიდა მოკავშირეების დაჭრილებს.
ჰერიეთ თაბმანი, ასევე, იყო ჩართული მონათმპყრობელების წინააღმდეგ მიმდინარე პარტიზანულ ომში. ის მართავდა მიწისქვეშა რკინიგზას, რომელსაც სამხრეთიდან ჩრდილოეთის მიმართულებით გადაჰყავდა მონები და ათავისუფლებდა მათ. ჯამში მან სამხრეთიდან გააპარა 300 ადამიანი და 70 ოჯახი, ამის გამო, თაბმანს მოფერებით მოსეც კი შეარქვეს.
ასევე, ჰერიეთ თაბმანი გახლდათ სუფრაჟისტი და ქალთა თანასწორობის მოძრაობის აქტიური წევრი. ის აქტიურად იბრძოდა ქალებისთვის ხმის მიცემის უფლებისთვის.
ფედერალური ხაზინა 2016 წელს აპირებდა ახალი კუპიურის გამოშვებას, თუმცა, პრეზიდენტ ტრამპის განკარგულებით 2028 წლისთვის გადადეს.
2021 წელს ფედერალურმა ხაზინამ განაახლა მუშაობა ახალი 20 დოლარიანი ნომინალზე და ის წლის ბოლოსთვის შემოვა მიმოქცევაში.
ამჟამად 20-დოლარიან ნომინალზე გამოსახულია ენდრიუ ჯექსონი, დემოკრატიული პარტიის დამფუძნებელი.
20-დოლარიანი გახდა ცხარე კამათის საგანი, რის გამოც პრეზიდენტმა ტრამპმა გადადო მისი დაბეჭდვა _ ფედერალურ ხაზინას სურდა, რომ ის დაებეჭდა ქალთა უფლებების და აშშ-ს კონსტიტუციის მე-19 შესწორების 100 წლის იუბილესთვის (ამ შესწორებით ქალებმა მოიპოვეს არჩევნებში მონაწილეობის უფლება) და ამით მიეგო პატივი აფრო-ამერიკელი აქტივისტისთვის და სუფრაჟისტული მოძრაობისთვის.
ასევე, იგეგმება 5 და 10 დოლარიანი ნომინალების განახლება, წინა მხარე იგივე დარჩება, ხოლო უკან დაამატებენ მართინ ლუთერ ქინგის და სხვა სამოქალაქო აქტივისტების გამოსახულებებს.
წყარო: georgianherald.com
