საზოგადოებრივი ორგანიზაცია Your car seat ეხმაურება დღეს, 5 აპრილს, ოზურგეთში მომხდარ ტრაგედიას, რომლის შედეგად დაიღუპა დედა, რომელიც ავტომობილში ორ მცირეწლოვანთან ერთად იმყოფებოდა.
“Მედიის ინფორმაციით, ავტოსაგზაო შემთხვევის მიზეზი გადაჭარბებული სიჩქარე გახდა. დაშავებული ბავშვები სასწრაფო სამედიცინო დახმარებამ ქუთაისში გადაიყვანა.
Your car seat უსამძიმრებს დაღუპულის ოჯახის წევრებს და დაშავებულებს მალე გამოჯანმრთელებას უსურვებს!
Მოვუწოდებთ ხელისუფლებას, აიღოს პასუხისმგებლობა და დაიცვას ბავშვები, რომელთაც მგზავრობის დროს საფრთხე ემუქრებათ. 0-12 წლამდე ბავშვების ტრანსპორტირება შესაძლებელია მხოლოდ მათთვის სწორად შერჩეული სამგზავრო სავარძლის საშუალებით.
Სწორად შერჩეული სამგზავრო სავარძელი ბავშვის სიცოცხლეს 90 %-მდე იცავს, ამ ფაქტს კი სახელმწიფო უგულებელყოფს და კვლავ გვაქვს მოცემულობა, რა დროსაც 0-3 წლამდე ბავშვის ტრანსპორტირება დასაშვებია, თუ იგი მუხლებზე უზის 16 წლის ან უფრო დიდი ასაკის მგზავრს, რაც ასევე საფრთხის შემცველია და ამ კანონის შედეგებს ყოველწლიურად ბავშვთა გარდაცვალებისა და დაშავების მზარდი სტატისტიკით ვიმკით.
Საგზაო მოძრაობის შესახებ საქართველოს კანონი ხარვეზიანია და საფრთხეს უქმნის ბავშვების სიცოცხლეს.
საზოგადოებრივი ორგანიზაცია Your car seat დაარსდა 2020 წლის 16 აპრილს, თბილისში. ორგანიზაცია შეიქმნა ფონდი „ელის” ბაზაზე. Your car seat-ის მიზანია, საქართველოში, რაც შეიძლება მეტი მოზარდი მგზავრობდეს უსაფრთხოდ სამგზავრო სავარძლის საშუალებით. ამ მიზნის მისაღწევად, მნიშვნელოვანია, საზოგადოების ცნობიერების ამაღლება და ინფორმირება. ამის გათვალისწინებით, ორგანიზაცია ეხმარება მშობლებს, მიიღონ ამომწურავი ინფორმაცია სანდო წყაროებზე დაყრდნობით სამგზავრო სავარძლის საჭიროებისა და მისი სწორად გამოყენების შესახებ“, _ წერია საზოგადოებრივი ორგანიზაციის განცხადებაში.
