საფრანგეთის საზოგადოებრივი რადიოს RFI-ის ჟურნალისტი ბრიუსელში, ევროსტრუქტურებსა და ნატოში, წარმოშობით ხარაგაულელი გიორგი ფოფხაძე, დღეს, 9 აპრილს იმ ფოტოს აქვეყნებს, სადაც მაშინდელი, თბილისის სამედიცინო ინსტიტუტის სტუდენტი, ეროვნული მოძრაობის აქტიური წევრი, ზვიად გამსახურდიასთან ერთად 31- ე ქარხნის მუშებს გაფიცვაში ჩაბმისკენ მოუწოდებდნენ.
“4 აპრილს სამედიცინო ინსტიტუტის სტუდენტურმა ორგანიზაციამ ახალგაზრდა მედიკოსთა კავშირმა, ინსტიტუტში მოიწვია მაშინდელი ეროვნული მოძრაობის ლიდერები ზვიად გამსახურდია და მერაბ კოსტავა. მსგავსი შეხვედრის ორგანიზება ჰქონდათ დაანონსებული ივანე ჯავახიშვილის უნივერსიტეტის სტუდენტურ პრეს კლუბსაც და შეხვედრის სმდეგ მსვლელობით გავემართეთ უნივერსიტეტისკენ. უნივერისტეტთან მისულებს მილიციამ გადაგვიკეტა გზა და ზვიადმა დამერაბმა სტუდენტებთან ერთად გადავწყვიტეთ რახან უნივერსიტეტში არ გვიშვებდნენ, წავსულიყავით პარლამეტის წინ და იქ გვეთქვა ჩვენი სათქმელი.. ძალიან დიდი კოლონა მივიდა პარლამეტთან. მიტინგის დროს მოვიდა ინფორმაცია რომ, აფხაზეთში აფსუა სეპარატისტებმა ძალიან დაძაბეს სიტუაცია და ზვიადმა თქვა მაშინ რომ, რახან, ჩვენს ხელისუფლებას არ სურს ხალხის ხმა გაიგოს, უნდა დავიწყოთ გაფიცვა და ფართომასშტაბიანი მიტინგები.. შეიქმნა საგაფიფვო კომიტეტები და მე იმ კომიტეტში მოვხვდი რომელ კომიტეტსაც თავად ბატონი ზვიად გამსახურდია ხელმძრვანელობდა,. ეს ფოტო გადაღებულია 5 ან 6 აპრილს 31 ქარხანასთან.
მახსოვს ზვიადის მანქანით წავედით მე და გოგა ხაინდრავა და ზუსტად ის მომენტია დაფიქსირებული, როცა პრეზიდენტი გამსახურდია მოუწოდებს 31 ქარხნის თანამშრომლებს გაფიცვაზე გამოსვლისაკენ.
პრინციპში, ფოტო ამოღებულია გოგას მიერ გადაღებული ვიდეოდან, ვიდეოს სრული ვერსია შესულია გოგას ფილმში.
ასე იყო ეს ამბავი… ამ დროს ვარ სამედიცინო ინსტიტუტის სტუდენტი, _ წერს გიორგი ფოფხაძე.
