ტოკიოს ოლიმპიური თამაშების მეოთხე საშეჯიბრო დღეს საქართველოს ოლიმპიურ გუნდის კიდევ ერთი მედლის აღების შანსი აქვს.
ძიუდოს ტურნირზე, ბრინჯაოსთვის იჭიდავებს ახალგაზრდა ქართველი ჯუდაკა, ტატო გრიგალაშვილი. რომელმაც მეოთხედფინალში გამოცდილ და ტიტულოვან, მონღოლეთის სახელით მოასპარეზე ირანელ, საიდ მოლაისთან დასანანი მარცხი იწვნია. რეპეშაჟში ტატო უზბეკი ბოლტაბოევი დაამარცხა და ბრინჯაოს მედლისთვის ბრძოლაში წონის ლიდერ, ბელგიელ მატიას კასეს დაუპირისპირდება.
ასევე შეგახსენებთ, რომ ცოტახნის წინ იასპარეზა კიდევ ერთმა ქართველმა სპორტსმენმა, მოკრივე, ასკერხან მადიევმა. მან უკვე მეორე ბრძოლის მოგება შეძლო, ამჯერად უგანდელი სპორტსმენი დაამარცხა და შემდეგ ეტაპზე გავიდა, სადაც მისი მეტოქე გამოცდილი ვეტერანი, ტიტულოვანი რუსი ანდრეი ზამკოვი იქნება. ეს ბრძოლა 30 ივლისს გაიმართება.
ავტორი: მამუკა მამალაძე
