დღეს, 8 აგვისტოს, 2008 წლის რუსეთ-საქართველოს აგვისტოს ომიდან 13 წლის შემდეგ, ოზურგეთში, ტერიტორიული მთლიანობისთვის დაღუპული გმირების საფლავებთან ადგილობრივი ხელისუფლების წარმომადგენლები, ომის ვეტერანები და ასევე ოჯახის წევრები და ახლობლები მივიდნენ.
ოზურგეთის მუნიციპალიტეტის ადგილობრივი ხელისუფლების წარმომადგენლებმა, მათტან ერტად, ოზურგერთის მუნიციპალიტეტის მერობის კანდიდატმა, კოტე შარაშენიძემ, საქართველოს ტერიტორიული მთლიანობისთვის დაღუპულ მებრძოლთა მემორიალი და აგვისტოს ომში დაღუპული ოზურგეთელი ჯარისკაცების საფლავები მოინახულეს და ხსოვნის პატივსაცემად, გვირგვინებით შეამკეს.
„დღეს, ცამეტი წელი გავიდა რუსეთ-საქართველოს ომიდან. უმძიმესი დღეა. ჩვენ პატივი მივაგეთ და გავიხსენეთ ოზურგეთელი ვაჟკაცები, რომლებმაც აჩვენეს გამორჩეული თავგანწირვისა და თავდადების მაგალითი, თუ როგორ უნდა გიყვარდეს შენი სამშობლო. ჩვენი ვალდებულებაა, გმირების ხსოვნას პატივი მივაგოთ და შთამომავლობას, ჩვენს შვილებს, ვუამბოთ მათი გმირობის შესახებ, _ თქვა თემურ ჭიტაძის საფლავთან, ოზურგეთის მუნიციპალიტეტსი მერის მოადგილემ, ირაკლი სირაძემ.
ეროვნული გმირის, ზაზა დამენიას საფლავთან მოვიდნენ და შემდეგ აგვისტოს ომში დაღუპული მებრძოლების საფლავები მოინახულეს ოზურგეთის ერთიანი ნაციონალური მოძრაობის რაიონული ორგანიზაციის ხელმნძღვანელებმა, წევრებმა, საკრებულოს ნაციონალმა დეპუტატებმა.
ოზურგეთის საკრებულოს წევრმა, ბესო ქათამაძემ, რომელიც აგვისტოს ომის მონაწილეა, გაიხსენა დაღუპული მეგობარი მეომრები, რომელთა წინაშეც, როგორც თავად თქვა, თავს დამძიმებულად გრძნობს:
_მე მაშინ მეორე კურსის სტუდენტი ვიყავი. 8 აგვისტოს დაიღუპა ჩემი მეგობარი ზაურ თენიეშვილი და კიდევ უფვ უგფრო მიმძაფრდება ტკივილი ამ დღეს. 13 წლის შემდეგაც ვერ შევძელით გაერთიანება, რომ სამშობლოსთვის დაცემული გმირების საფლავებთან მაინც ერთად მივიდეთ… დღემდე გრძელდება ლეკიანობა,ოკუპირებულ ტერიტორიებთან იტაცებენ ჩვენს გოგ-ბიჭებს, გადაახდევინებენ ფულს და ისე აბრუნებენ. ჩვენ, როცა შევედით, ისე გავიარეთ ავნევი და ხეთაგუროვი და სხვა სოფლები, სადაც რუსულ ბაზები იყო, ტყვია არ გავარდნილა იქედან, არც ჩვენგან. ჩვენი მიზანი იყო მხოლოდ იმ საცეცხლე წერტილების განადგურება, საიდანაც ქართულ სოფლებს ბომბავდნენ. თორემ ის უკვე ვიცოდით, რომ რუსების არმია როკის გვირაბიდან შემოსული იყო. სირცხვილია, როცა ვიღაცეები ამბობენ, რომ ომი დაიწყო საქართველომ. ჩვენი ხალხი მუდამ ასე იყო, ერთზე ასი მოდიოდა და საბოლოოდ იმარჯვებდა. მჯერა, საბოლოოდ ჩვენ შევასრულებთ იმ მისიას, რასაც ვასრულებდით და სამშობლოს ნაწილს დავიბრუნებთ. სხვა რომ არაფერი ჩვენი დაღუპული მეომრების წინაშე ვალში ვართ… _ თქვა ბესო ქათამაძემ.
ეროვნული გმირის ზაზადამენიას საფლავთან თავი მოიყარეს და ასევე ტერიტორიული მთლიანობისთვის დაღუპულთა ხსოვნას პატივი მიაგეს, აფხაზეთს და სამაჩაბლოს ომების მონაწილე ვეტერანებმა: თენგიზ ბერიშვილმა, ზურაბ კუტალაძემ, გელა ტეფნაძემ, გია ანდღულაძემ, ედუარდ მორჩილაძემ, კობა დარჩიამ, არტურ ხუგასიანმა და კონსტანტინე ერგემლიძემ.
როგორც ხელისუფლების, ასევე ოპოზიციის წარმომადგენლებმა მოინახულეს და პატივი მიაგეს აგვისტოს ომში დაღუპული სამი ოზურგეთელი გმირის, თემურ ჭიტაძის, (გურიანთა), ზაურ თენიეშვილის, (ქალაქი ოზურგეთი) და თამაზ ნიკიტინის (ქალაქი ოზურგეთი) საფლავები.
ოზურგეთის მუნიციპალიტეტმა ომში დაღუპული ჯარისკაცების ოჯახებს ფულადი თანხა გადაურიცხა.
[sexy_author_bio]
