მორიგი შტურმია ჩემს საინფორმაციო ველში, _ ამის შესახებ იმუნოლოგმა ბიძინა კულუმბეგოვმა სოციალურ ქსელში დაწერა.
კულუმბეგოვი კოლეგებს ურჩევს თავი შეიკავონ კატეგორიული ტონისგან და ნუ გასცემენ რეკომენდაციებს მყარი არგუმენტების გარეშე.
“მორიგი შტურმია ჩემს საინფორმაციო ველში, კოვიდგადატანილებში ერთი თუ ორი დოზა ვაქცინის გამოყენების თაობაზე.
მეგობრებო და კოლეგებო, თავი შეიკავეთ კატეგორიული ტონისგან, რომელსაც არანაირი შესაბამისი მყარი არგუმენტაცია თან არ ახლავს.
დღეს მსოფლიოს ბევრ ქვეყანაში, მაგალითად, აშშ-ში, გაერთიანებულ სამეფოში, ახლო და შორეული აღმოსავლეთის ქვეყნებში ინფექციის გადატანის მოუხედავად, ადამიანები იცრებიან ვაქცინის ორი დოზით, ასეთ შემთხვევაში ითვლება პიროვნება სრულად ვაცინირებული იმ ქვეყნების რეგულაციით.
მართალია, არსებობს მეცნიერული ძლიერი მტკიცებულებაა იმის, რომ ინფექციის გადატანის შემდეგ ვაქცინის ერთი დოზით მიიღწევა ისეთივე იმუნური პასუხი, როგორც ორჯერ აცრილების შემთხვევაში. თუმცა ამავე დროს არსებობს სამეცნიერო პუბლიკაციები, სადაც კოვიდის გადატანის მიუხედავათ იმუნოკომპრომეტირებულ ადამიანებს იმუნური პასუხის ფორმირებისთვის მაინც ჭირდებათ ვაქცინის ორი დოზა.
გამომდინარე იქიდან, რომ ამ საკითზე იმუნოლოგებს შორის სრული კონსესუსი არაა. ასევე, გამომდინარე იქიდან, რომ მსოფლიოს უდიდესი ნაწილი თქვენ ერთი დოზით არ მიგიჩნევთ სრულად იმუნიზირებულად (რაც მოგზაურობის დროს შექმნის სრულ გაუგებრობას), ამიტომ ჩვენი ქვეყანა ჯერ ინარჩუნებს ამ რეგულაციას.
თუ შესაბამისი ცვლილები მოხდება WHO-ს და CDC-ის რეკომენდაციებში, საქართველო მყისიერად მოახდენს რეაგირებას, _ წერს კულუმბეგოვი.
