“მთავარი არხის“ ინფორმაციით, ზუგდიდის მე-16 საარჩევნო უბანი 15 წუთის დაგვიანებით გაიხსნა. მიზეზად კი ის დაასახელეს, რომ კომისიის ახალი წევრები ჰყავთ და დროულად ორგანიზება ვერ შეძლეს.
გარდა ამისა, “მთავარი არხის” კამერამ უბნის ტერიტორიაზე “ქართული ოცნების” კოორდინატორები დააფიქსირა, რომლებიც სიებით იყვნენ იქ მისულები, თუმცა თქვეს, რომ ხმის მისაცემად მივიდნენ.
„ხმის მისაცემად მოვედით. ხმას მივცემთ და წავალთ. თუ სურვილი გვექნება, ვიქნებით და მოვლენებს დავაკვირდებით. თვალყურს ვადევნებთ როგორი დასწრება იქნება. ხომ ვიმუშავეთ რამდენიმე თვე და გვაინტერესებს, ვინ მოგვატყუა და ვინ არა, ვინ მოვა და ვინ არა“,_ ამბობენ ტელეკომპანიასთან საუბრისას ისინი.
შეგახსენებთ, რომ ახალი წესით კოორდინატორების ყოფნა საარჩევნო უბანზე, 100 მეტრის რადიუსში, აკრძალულია.
წყარო: მთავარი არხი
